സിബിഡിസി യുപിഐയുമായി സംയോജിപ്പിച്ച് യൂണിയൻ ബാങ്ക്

മുംബൈ: മുൻനിര പൊതുമേഖലാ ബാങ്കുകളിൽ ഒന്നായ യൂണിയൻ ബാങ്ക് ഓഫ് ഇന്ത്യ, 2023 സെപ്തംബർ 5-ന് ആർബിഐയുടെ കീഴിൽ യുപിഐയുമായുള്ള ഇന്ത്യയുടെ സെൻട്രൽ ബാങ്ക് ഡിജിറ്റൽ കറൻസിയുടെ പരസ്പര പ്രവർത്തനക്ഷമത സജ്ജമാക്കി.

ബാങ്കിന്റെ ഡിജിറ്റൽ ഇ-രൂപയെ യുപിഐ പ്ലാറ്റ്‌ഫോമുമായി സംയോജിപ്പിക്കുന്ന മുൻനിര ബാങ്കുകളിൽ ഒന്നാണ് യൂണിയൻ ബാങ്ക് ഓഫ് ഇന്ത്യ.

ഇപ്പോൾ ബാങ്കിന്റെ ഉപഭോക്താക്കൾക്ക് യൂണിയൻ ബാങ്കിന്റെ ഡിജിറ്റൽ ഇ-റുപ്പി വാലറ്റിൽ നിന്ന് ഏത് വ്യാപാരി യുപിഐ ക്യുആർ കോഡും സ്‌കാൻ ചെയ്യാനും സുരക്ഷിതമായ അന്തരീക്ഷത്തിൽ വ്യാപാരിക്ക് യുപിഐ ലിങ്ക് ചെയ്‌ത അക്കൗണ്ടിൽ പേയ്‌മെന്റ് ചെയ്യാനും സാധിക്കും.

ഇത് ഒറ്റ ക്യുആർ കോഡിലൂടെ യുപിഐ, യൂണിയൻ ബാങ്ക് ഡിജിറ്റൽ ഇ-രൂപ എന്നിവയിലൂടെ പേയ്‌മെന്റുകൾ ശേഖരിക്കാൻ ഇത് വ്യാപാരികളെ പ്രാപ്‌തമാക്കും, അതുവഴി പേയ്‌മെന്റ് സൗകര്യത്തിനു ഒന്നിലധികം ക്യുആർ കോഡുകളുടെ ആവശ്യമില്ലാതാകുന്നു. P2M, P2PM ഇടപാടുകൾ നടത്തുന്നതിന് നിലവിൽ ഈ സൗകര്യം പ്രവർത്തനക്ഷമമാക്കിയിട്ടുണ്ട്.

രാജ്യത്ത് 56 ജില്ലകളിൽ കൂടി സ്വർണത്തിന്റെ നിർബന്ധിത ഹാൾമാർക്കിങ്

യുപിഐ പ്ലാറ്റ്‌ഫോമുമായുള്ള സെൻട്രൽ ബാങ്ക് ഡിജിറ്റൽ കറൻസിയുടെ (സിബിഡിസി) പരസ്പര പ്രവർത്തനക്ഷമത ഇന്ത്യയുടെ പേയ്‌മെന്റ് ഇക്കോസിസ്റ്റത്തിലെ ഒരു സുപ്രധാന സംഭവമാണെന്ന് യൂണിയൻ ബാങ്ക് ഓഫ് ഇന്ത്യ എംഡി & സിഇഒ എ. മണിമേഖലൈ പ്രസ്താവിച്ചു.

ഈ തടസ്സങ്ങളില്ലാത്ത സംയോജനം ഉപഭോക്താക്കൾ ഡിജിറ്റൽ കറൻസി ഉപയോഗിക്കുന്നത് വർധിപ്പിക്കുകയും സിബിഡിസി വാലറ്റ് ഉപയോഗിച്ചുള്ള ഇടപാടുകളുടെഎണ്ണം വർദ്ധിപ്പിക്കുകയും ചെയ്യും.

സിബിഡിസി പ്രോഗ്രാമിന് കീഴിൽ, യൂണിയൻ ബാങ്ക് ഓഫ് ഇന്ത്യ 1.30 ലക്ഷത്തിലധികം ഉപഭോക്താക്കളെയും 15,000 വ്യാപാരികളെയും തിരിച്ചറിഞ്ഞ 26 കേന്ദ്രങ്ങളിലായി രജിസ്റ്റർ ചെയ്തിട്ടുണ്ട്.