പ്രധാനമന്ത്രി മോദി ഡിസംബറിൽ പ്രധാന ദീർഘകാല ലക്ഷ്യങ്ങൾ ഉൾക്കൊള്ളിച്ച് വിഷൻ പേപ്പർ പുറത്തിറക്കിയേക്കും

ന്യൂഡൽഹി: പ്രധാനമന്ത്രി നരേന്ദ്ര മോദി ഡിസംബറിൽ ഇന്ത്യയ്ക്കായി ഒരു വിഷൻ ഡോക്യുമെന്റ് പുറത്തിറക്കുമെന്ന് പ്രതീക്ഷിക്കുന്നതായി മിന്റ് പ്രസിദ്ധീകരിച്ച റിപ്പോർട്ട്. സർക്കാരിന്റെ പരമോന്നത പബ്ലിക് പോളിസി തിങ്ക് ടാങ്ക് നിതി ആയോഗ് രൂപകൽപന ചെയ്യുന്ന ഈ രേഖ രാജ്യത്തിന്റെ ഇടത്തരം ദീർഘകാല വികസന ലക്ഷ്യങ്ങളുടെ ഒരു രൂപരേഖയായിരിക്കും.

അടുത്ത ഏതാനും ദശാബ്ദങ്ങളിൽ രാജ്യത്തിന്റെ പ്രാഥമിക ആശങ്കകൾ പരിഹരിക്കുന്നതിനുള്ള പ്രധാന പോയിന്റുകൾ വിഷൻ ഡോക്യുമെന്റ് അല്ലെങ്കിൽ ബ്ലൂപ്രിന്റ് വിശദമായി അടയാളപ്പെടുത്തുകയും ചർച്ച ചെയ്യുകയും ചെയ്യുമെന്ന് റിപ്പോർട്ട് പറയുന്നു. കൂടാതെ, 2024 ലോക്‌സഭാ തെരഞ്ഞെടുപ്പിന് മുന്നോടിയായുള്ള ദേശീയ ജനാധിപത്യ സഖ്യത്തിന്റെ വിജയത്തിനായി മുന്നോട്ട് വെക്കേണ്ട അജണ്ടകളും ഈ രേഖയിൽ ചർച്ച ചെയ്യും.

മിന്റ് റിപ്പോർട്ടിൽ ഉദ്ധരിച്ച സ്രോതസ്സുകൾ പ്രകാരം, ടീം ഇന്ത്യ എന്ന സ്പിരിറ്റിൽ ഉൾച്ചേർന്നുകൊണ്ടുള്ള സംസ്ഥാനങ്ങളുടെ പങ്കാളിത്തത്തിന് ഒരു സഹകരണ സമീപനം രൂപപ്പെടുത്തുന്നതിന് പ്രധാന മേഖലകളുടെ വികസന പാതയും വളർച്ചാ തടസ്സങ്ങളും വിശകലനം ചെയ്യുന്ന പ്രക്രിയയിലാണ് ടീം ഇപ്പോൾ.

ഇതുകൂടാതെ, സർക്കാരിന്റെ ഭരണ നിർവഹണ വിഭാഗത്തെ കൂടുതൽ ഉത്തേജിപ്പിക്കുന്നതിനും പൗരന്മാർക്ക് മികച്ച സേവനങ്ങൾ വാഗ്ദാനം ചെയ്യുന്നതിനും വിഷൻ ഡോക്യുമെന്റ് സഹായിക്കുമെന്ന് പ്രതീക്ഷിക്കുന്നു.

പ്രധാനമന്ത്രി മോദി ഉറപ്പു നല്കിയതുപോലെ വിജയത്തിലേക്കുള്ള ഈ റോഡ്‌മാപ്പ് പ്രാഥമികമായി രാജ്യത്തിന്റെ സാമ്പത്തികവും മാനുഷികവുമായ വികസനത്തിൽ ശ്രദ്ധ കേന്ദ്രീകരിക്കും, 2025 ഓടെ 5 ട്രില്യൺ ഡോളർ സമ്പദ്‌വ്യവസ്ഥയായി മാറാനുള്ള ഓട്ടത്തിൽ ആഗോള ഭൂപടത്തിൽ അതിന്റെ സ്ഥാനം വർദ്ധിപ്പിക്കുകയും ചെയ്യും.

2047-ഓടെ ഇന്ത്യയ്ക്ക് വികസിത രാജ്യപദവി കൈവരിക്കുക, ഗ്രാമീണ സമ്പദ്‌വ്യവസ്ഥയിലെ വികസനം, കർഷകരുടെ വരുമാനം വർധിപ്പിക്കൽ എന്നിവയ്‌ക്കൊപ്പം സമഗ്രവും പരിസ്ഥിതി സൗഹൃദവുമായ വളർച്ച, സൺറൈസ് ഇന്ടസ്ട്രികൾ, സുസ്ഥിര അടിസ്ഥാന സൗകര്യ വികസനം എന്നിവയ്ക്ക് ഊന്നൽ നൽകാനാണ് വിഷൻ പേപ്പർ ലക്ഷ്യമിടുന്നത് എന്ന് റിപ്പോർട്ടിൽ ഉദ്ധരിച്ച ഉറവിടങ്ങളിൽ നിന്ന് മനസ്സിലാകുന്നു.

നരേന്ദ്ര മോദിയുടെ നേതൃത്വത്തിലുള്ള ഗവൺമെന്റിന് കീഴിൽ, കുതിച്ചുയരുന്ന ബഹിരാകാശ പര്യവേക്ഷണ ഇടം മുതൽ കായിക അടിസ്ഥാന സൗകര്യങ്ങൾ വർദ്ധിപ്പിക്കുന്നത് വരെ എല്ലാ മേഖലകളിലും ശാക്തീകരണവും വിപ്ലവാത്മകവുമായ മാറ്റങ്ങൾക്ക് ഇന്ത്യ സാക്ഷ്യം വഹിക്കുകയാണ്. വ്യോമയാനം, നയരൂപീകരണം, ശാസ്ത്രം എന്നിവയുൾപ്പെടെ വിവിധ മേഖലകളിൽ സ്ത്രീശാക്തീകരണത്തിനും ഇന്ത്യൻ സ്ത്രീകളുടെ വർദ്ധിച്ചുവരുന്ന പങ്കാളിത്തത്തിനും പ്രധാനമന്ത്രിയുടെ വിഷൻ പേപ്പർ ഊന്നൽ നൽകും. സൂക്ഷ്മ, ചെറുകിട, ഇടത്തരം സംരംഭങ്ങളുടെ വികസനം, അവയ്ക്ക് നൽകുന്ന പിന്തുണ എന്നിവയിലും ബ്ലൂപ്രിന്റ് ഊന്നൽ നൽകുമെന്നും അറിയുന്നു.

പ്രധാനമന്ത്രി മോദി, തന്റെ ദർശനപരമായ ഡിജിറ്റൽ ഇന്ത്യ പദ്ധതികളിലൂടെ ഇതിനകം തന്നെ രാജ്യത്തെ ഡിജിറ്റൽ ഇൻഫ്രാസ്ട്രക്ചറിൽ വിപ്ലവം സൃഷ്ടിച്ചു കഴിഞ്ഞു. ഇതുകൂടാതെ, വിതരണ ശൃംഖലയുടെ വലിയൊരു ഭാഗം ഇന്ത്യയിലേക്ക് മാറ്റാൻ താൽപ്പര്യം പ്രകടിപ്പിക്കുന്ന ആഗോള ഭീമന്മാരിൽ നിന്ന് രാജ്യത്തിന് ലഭിക്കുന്ന സ്വീകാര്യത കണക്കിലെടുത്ത്, ഇന്ത്യയെ ആഗോളതലത്തിൽ അടുത്ത അർദ്ധചാലക ഹബ്ബാക്കി മാറ്റാനുള്ള കേന്ദ്രത്തിന്റെ അശ്രാന്ത പരിശ്രമങ്ങൾ ഇതിനകം തന്നെ ഫലം കാണുന്നുണ്ട്.

കൂടാതെ, അന്താരാഷ്ട്ര നാണയ നിധി (ഐഎംഎഫ്), ഒക്ടോബർ 10-ന്, ഇന്ത്യയുടെ 2023-24 ജിഡിപി വളർച്ചാ പ്രവചനം മൂന്ന് മാസത്തിനിടെ രണ്ടാം തവണയും ഉയർത്തി, ഇന്ത്യൻ നയരൂപകർത്താക്കൾ പ്രവചിക്കുന്ന 6.5 ശതമാനത്തോട് അടുത്തു. രാജ്യം എല്ലാ മേഖലകളിലും അഭൂതപൂർവമായ വികസനത്തിന് സാക്ഷ്യം വഹിക്കുന്ന ഒരു നിർണായക സമയത്താണ് പുതിയ സംഭവ വികാസങ്ങൾ സ്ഥിരീകരിക്കപ്പെടുന്നത്. കൂടാതെ, 2024 ലോക്‌സഭാ തെരഞ്ഞെടുപ്പിന് ഏതാനും മാസങ്ങൾ മാത്രം ശേഷിക്കെ, ഐഎംഎഫിൽ നിന്നുള്ള നല്ല വളർച്ചാ വീക്ഷണം ഭരണകക്ഷിയായ എൻഡിഎയുടെ വിജയസാധ്യതകൾ ഉയർത്തുകയേയുള്ളൂ.

ഒക്‌ടോബർ 10-ന് പുറത്തിറക്കിയ ബഹുമുഖ ഏജൻസിയുടെ ഏറ്റവും പുതിയ വേൾഡ് ഇക്കണോമിക് ഔട്ട്‌ലുക്ക് റിപ്പോർട്ട് അനുസരിച്ച്, ഇന്ത്യയുടെ ജിഡിപി 2023-ൽ 6.3 ശതമാനം വളരുമെന്ന് പ്രതീക്ഷിക്കുന്നു, ഇത് ജൂലൈയിലെ പ്രവചനത്തിൽ നിന്ന് 20 ബേസിസ് പോയിന്റുകളുടെ വികാസത്തെ അടയാളപ്പെടുത്തുന്നു.