വില ഇടിഞ്ഞ് വെറ്റില; കൃഷി ഉപേക്ഷിച്ച് കര്‍ഷകര്‍

അ​ടൂ​ര്‍: വെ​റ്റി​ല ക​ച്ച​വ​ടം കു​റ​ഞ്ഞ​തോ​ടെ പ​ര​മ്പ​രാ​ഗ​ത ക​ര്‍ഷ​ക​ർ​ക്ക്​ ദു​രി​തം. ഇ​പ്പോ​ള്‍ ഒ​രു അ​ടു​ക്ക് വെ​റ്റി​ല​ക്ക്​ 30 മു​ത​ല്‍ 40 രൂ​പ വ​രെ​യും ചി​ല സ​മ​യ​ങ്ങ​ളി​ല്‍ 60 മു​ത​ല്‍ 70 രൂ​പ വ​രെ​യു​മാ​ണ്​ വി​ല നി​ല​വാ​രം. മു​മ്പി​ത് 100 മു​ത​ല്‍ 120 വ​രെ​യാ​യി​രു​ന്നു. പ​ര​മ്പ​രാ​ഗ​ത ക​ര്‍ഷ​ക​ര്‍ പ​ല​രും കൃ​ഷി നി​ര്‍ത്തി​യ​വ​രാ​ണ്. മ​ഴ, വെ​ള്ള​പ്പൊ​ക്കം, കീ​ട​നാ​ശി​നി​യു​ടെ ഉ​പ​ദ്ര​വം എ​ന്നി​വ​യാ​ണ് വെ​റ്റി​ല കൃ​ഷി നി​ര്‍ത്താ​ന്‍ കാ​ര​ണ​മെ​ന്ന് ക​ര്‍ഷ​ക​ര്‍ പ​റ​യു​ന്നു.

ത​മി​ഴ്‌​നാ​ട്ടി​ലും വി​ല്‍പ്പ​ന​യി​ല്‍ ക​ന​ത്ത ഇ​ടി​വാ​ണ്. 3000 അ​ടു​ക്ക് വെ​റ്റി​ല വ​രെ എ​ടു​ത്തി​രു​ന്ന ത​മി​ഴ്നാ​ട്ടി​ലെ വ്യാ​പാ​രി​ക​ള്‍ ഇ​പ്പോ​ള്‍ 1000 അ​ടു​ക്ക് എ​ടു​ത്താ​ലാ​യെന്ന സ്ഥിതിയാണ്

ചി​ല മ​രു​ന്നു​ക​ള്‍ക്കും സൗ​ന്ദ​ര്യ വ​ര്‍ദ്ധ​ക വ​സ്തു​ക്ക​ള്‍ ഉ​ണ്ടാ​ക്കാ​നും വെ​റ്റി​ല ഉ​പ​യോ​ഗി​ക്കു​ന്നു​ണ്ട്. തെ​ക്ക​ന്‍ കേ​ര​ള​ത്തി​ലെ ഏ​റ്റ​വും വ​ലി​യ വെ​റ്റി​ല ച​ന്ത​യാ​യി​രു​ന്നു പ​ത്ത​നം​തി​ട്ട ജി​ല്ല​യി​ലെ നെ​ല്ലി​മു​ക​ള്‍. കൊ​റോ​ണ​യു​ടെ ക​ട​ന്നു​വ​ര​വി​ന് ശേ​ഷം ക​ച്ച​വ​ടം നി​ല​ച്ചു.

കാ​യം​കു​ളം, ക​രു​നാ​ഗ​പ്പ​ള്ളി, കൊ​ല്ലം, പ​ത്ത​നാ​പു​രം, കൊ​ടു​മ​ണ്‍, കു​ന്ന​ത്തൂ​ര്‍ എ​ന്നി​വി​ട​ങ്ങ​ളി​ല്‍ നി​ന്നു​പോ​ലും ഇ​വി​ടേ​ക്ക് കെ​ട്ടു​ക​ണ​ക്കി​ന് വെ​റ്റി​ല ക​ര്‍ഷ​ക​ര്‍ എ​ത്തി​ച്ചി​രു​ന്നു.

തി​രൂ​ര്‍, പ​ത്ത​നം​തി​ട്ട, കോ​ട്ട​യം, ഇ​ടു​ക്കി ഭാ​ഗ​ങ്ങ​ളി​ല്‍ ചു​രു​ക്കം വെ​റ്റി​ല ച​ന്ത നി​ല​വി​ല്‍ പ്ര​വ​ര്‍ത്തി​ക്കു​ന്നു​ണ്ടെ​ങ്കി​ലും സ​ജീ​വ​മ​ല്ലെ​ന്നാ​ണ് വ്യാ​പാ​രി​ക​ള്‍ പ​റ​യു​ന്ന​ത്.