പണപ്പെരുപ്പം ലക്ഷ്യമിട്ടതിലും താഴെ; അഞ്ച് വർഷത്തിനിടെ ആദ്യമായി നാല് ശതമാനത്തിൽ താഴെ

ന്യൂഡൽഹി: ഭ​ക്ഷ്യ​വി​ല​യി​ലെ കു​റ​വി​​ന്റെ ആ​നു​കൂ​ല്യ​ത്തി​ൽ ജൂ​ലൈ​യി​ൽ രാ​ജ്യ​ത്തെ ചി​ല്ല​റ വി​ല​യെ അ​ടി​സ്ഥാ​ന​മാ​ക്കി​യു​ള്ള പ​ണ​പ്പെ​രു​പ്പം 3.54 ശ​ത​മാ​ന​മാ​യി താ​ഴ്ന്നു. റി​സ​ർ​വ് ബാ​ങ്ക് ല​ക്ഷ്യ​മി​ട്ട നാ​ല് ശ​ത​മാ​ന​ത്തെ​ക്കാ​ൾ താ​ഴെ​യാ​ണ് ഇ​ത്. 2019 സെ​പ്റ്റം​ബ​റി​നു​ശേ​ഷം ആ​ദ്യ​മാ​യാ​ണ് ചി​ല്ല​റ പ​ണ​പ്പെ​രു​പ്പം നാ​ല് ശ​ത​മാ​ന​ത്തി​ൽ താ​ഴെ വ​രു​ന്ന​ത്.

ദേ​ശീ​യ സ്ഥി​തി​വി​വ​ര ഓ​ഫി​സ് (എ​ൻ.​എ​സ്.​ഒ) പു​റ​ത്തു​വി​ട്ട ക​ണ​ക്കു​ക​ൾ പ്ര​കാ​രം ഉ​പ​ഭോ​ക്തൃ വി​ല സൂ​ചി​ക അ​ടി​സ്ഥാ​ന​മാ​ക്കി​യു​ള്ള ചി​ല്ല​റ പ​ണ​പ്പെ​രു​പ്പം ജൂ​ണി​ൽ 5.08 ശ​ത​മാ​ന​വും ക​ഴി​ഞ്ഞ വ​ർ​ഷം ജൂ​ലൈ​യി​ൽ 7.44 ശ​ത​മാ​ന​വു​മാ​യി​രു​ന്നു. ഭ​ക്ഷ്യ​വ​സ്തു​ക്ക​ളു​ടെ പ​ണ​പ്പെ​രു​പ്പം ജൂ​ണി​ലെ 9.36 ശ​ത​മാ​ന​ത്തി​ൽ​നി​ന്ന് ജൂ​ലൈ​യി​ൽ 5.42 ശ​ത​മാ​ന​മാ​യി. അ​തേ​സ​മ​യം, ജൂ​ണി​ൽ ഇ​ന്ത്യ​യു​ടെ വ്യാ​വ​സാ​യി​ക ഉ​ൽ​പാ​ദ​നം അ​ഞ്ച് മാ​സ​ത്തെ ഏ​റ്റ​വും താ​ഴ്ന്ന നി​ര​ക്കാ​യ 4.2 ശ​ത​മാ​ന​ത്തി​ലെ​ത്തി.

വൈ​ദ്യു​തി, ഖ​ന​ന മേ​ഖ​ല​ക​ൾ മി​ക​ച്ച പ്ര​ക​ട​നം തു​ട​രു​ന്നു​ണ്ടെ​ങ്കി​ലും ഉ​ൽ​പാ​ദ​ന മേ​ഖ​ല​യു​ടെ മോ​ശം പ്ര​ക​ട​ന​മാ​ണ് ഇ​ടി​വി​ന് കാ​ര​ണം. വ്യാ​വ​സാ​യി​ക ഉ​ൽ​പാ​ദ​ന സൂ​ചി​ക (ഐ.​ഐ.​പി) അ​നു​സ​രി​ച്ച് ക​ണ​ക്കാ​ക്കി​യ ഫാ​ക്ട​റി ഉ​ൽ​പാ​ദ​ന വ​ള​ർ​ച്ച മേ​യി​ൽ 6.2 ശ​ത​മാ​ന​വും ഏ​പ്രി​ലി​ൽ അ​ഞ്ച് ശ​ത​മാ​ന​വും മാ​ർ​ച്ചി​ൽ 5.5 ശ​ത​മാ​ന​വും ഫെ​ബ്രു​വ​രി​യി​ൽ 5.6 ശ​ത​മാ​ന​വും ജ​നു​വ​രി​യി​ൽ 4.2 ശ​ത​മാ​ന​വു​മാ​യി​രു​ന്നു. ഈ ​സാ​മ്പ​ത്തി​ക വ​ർ​ഷം ഏ​പ്രി​ൽ-​ജൂ​ൺ കാ​ല​യ​ള​വി​ൽ വ്യാ​വ​സാ​യി​ക ഉ​ൽ​പാ​ദ​ന സൂ​ചി​ക വ​ള​ർ​ച്ച 5.2 ശ​ത​മാ​ന​മാ​ണ്. മു​ൻ സാ​മ്പ​ത്തി​ക വ​ർ​ഷം ഇ​തേ കാ​ല​യ​ള​വി​ൽ വ​ള​ർ​ച്ച 4.7 ശ​ത​മാ​ന​മാ​യി​രു​ന്നു.

ഖ​ന​ന ഉ​ൽ​പാ​ദ​നം ജൂ​ണി​ൽ 10.3 ശ​ത​മാ​നം വ​ള​ർ​ച്ച കൈ​വ​രി​ച്ചു. മു​ൻ​വ​ർ​ഷം 7.6 ശ​ത​മാ​നം വ​ള​ർ​ച്ച​യാ​ണു​ണ്ടാ​യി​രു​ന്ന​ത്. ഉ​ൽ​പാ​ദ​ന​മേ​ഖ​ല​യു​ടെ വ​ള​ർ​ച്ച മു​ൻ വ​ർ​ഷ​ത്തെ 3.5 ശ​ത​മാ​ന​ത്തി​ൽ​നി​ന്ന് ജൂ​ണി​ൽ 2.6 ശ​ത​മാ​ന​മാ​യി കു​റ​ഞ്ഞു.