കിടിലന്‍ ഓഫറുമായി എയര്‍ടെല്‍

ഭാരതി എയര്‍ടെല്‍ പുതിയ പ്രീപെയ്ഡ് പ്ലാന്‍ അവതരിപ്പിച്ചു. 289 രൂപ വിലയുള്ള ഈ പ്ലാന്‍ രാജ്യത്തെല്ലായിടത്തും ലഭ്യമാവും. ഐഡിയയുടെ 42 ദിവസം വാലിഡിറ്റിയിലും 295 രൂപയുടെ ഓഫറിനെ വെല്ലുവിളിച്ച് 48 ദിവസത്തെ വാലിഡിറ്റിയുമായാണ് ഈ ഓഫര്‍ എത്തുന്നത്. 289 രൂപയുടെ പ്ലാനില്‍ അണ്‍ലിമിറ്റഡ് വോയ്സ് കോളുകളും പ്രതിദിനം 1ജിബി ഡാറ്റയും നൂറ് എസ്എംഎസും 48 ദിവസത്തെ വാലിഡിറ്റിയില്‍ ലഭ്യമാവും.

എയര്‍ടെലിന്റെ ഈ പ്ലാന്‍ ഐഡിയയുടെ 295 രൂപയുടെ പ്ലാനിന് വെല്ലുവിളിയാണ്. ആന്ധ്രാപ്രദേശ്, കേരളം പോലുള്ള സര്‍ക്കിളുകളിലാണ് ഈ ഓഫര്‍ ലഭ്യമായിട്ടുള്ളത്. 295 രൂപയ്ക്ക് ഐഡിയ അണ്‍ലിമിറ്റഡ് വോയ്സ് കോളുകള്‍ വാഗ്ദാനം ചെയ്യുന്നുണ്ടെങ്കിലും ഇതിന് പ്രതിദിനം 250 മിനിറ്റ് എന്നും ആഴ്ചയില്‍ പരമാവധി 1000 മിനിറ്റ് എന്നുമുള്ള നിബന്ധനയുണ്ട്. എന്നാല്‍ ഇതേ പ്ലാനില്‍ തന്നെ പ്രതിദിനം അഞ്ച് ജിബി ഡേറ്റ ഉപയോക്താവിന് ലഭിക്കും.

ഡേറ്റയുടെ കാര്യത്തില്‍ എയര്‍ടെലിന്റെ പുതിയ പ്ലാനിന് ഐഡിയയെ മറികടക്കാന്‍ സാധിക്കില്ലെങ്കിലും ഏറ്റവും കൂടിയ വാലിഡിറ്റിയില്‍ പരിധിയില്ലാത്ത വോയ്സ് കോളുകള്‍ എയര്‍ടെലിന് നല്‍കാനാവും.

അതേമയം അണ്‍ലിമിറ്റഡ് വോയ്സ് കോളുകള്‍ മാത്രം നല്‍കുന്ന 299 രൂപയുടെ പ്ലാന്‍ എയര്‍ടെലിനുണ്ട്. 45 ദിവസമാണ് ഇതിന്റെ വാലിഡിറ്റി. തീര്‍ച്ചയായും ഈ ഓഫറിനേക്കാള്‍ മെച്ചപ്പെട്ടതാണ് എയര്‍ടെലിന്റെ പുതിയ പ്ലാന്‍. കാരണം അതിനൊപ്പം ഡേറ്റയും എസ്.എം.എസും ലഭിക്കും.