അബുദാബിയില്‍ നിന്ന് ഇന്‍ഡിഗോ കൊച്ചിയിലേക്കും കോഴിക്കോട്ടേക്കും സര്‍വ്വീസ് ആരംഭിക്കും

അബുദാബി: പ്രമുഖ സ്വകാര്യ വിമാന കമ്പനികളിലൊന്നായ ഇന്‍ഡിഗോ അടുത്ത മാസം 16 മുതല്‍ അബുദാബിയില്‍ നിന്ന് കൊച്ചിയിലേക്കും കോഴിക്കോട്ടേക്കും സര്‍വീസ് ആരംഭിക്കും.

എല്ലാ ദിവസവും പുലര്‍ച്ചെ 4.30ന് അബുദാബിയില്‍ നിന്ന് പുറപ്പെടുന്ന വിമാനം 10.30ന് കൊച്ചിയിലെത്തും. അവിടെ നിന്ന് ഉച്ചയ്ക്ക് 1.30ന് പുറപ്പെട്ട് വൈകീട്ട് 4.30ന് അബുദാബിയിലെത്തും. തുടക്കമെന്ന നിലയില്‍ 372 ദിര്‍ഹം(ഏതാണ്ട് 7336 രൂപ) മുതലാണ് നിരക്ക് ആരംഭിക്കുന്നത്.

അബുദാബിയില്‍ നിന്ന് വൈകീട്ട് 5.30 ന് പുറപ്പെടുന്ന വിമാനം രാത്രി 11.30ന് കോഴിക്കോട്ടെത്തും. അവിടെ നിന്ന് രാത്രി 12.40ന് പുറപ്പെട്ട് പുലര്‍ച്ചെ 3.30ന് അബുദാബിയിലെത്തും. 407 ദിര്‍ഹം(ഏതാണ്ട് 8027 രൂപ) മുതലാണ് ഇതിന്റെ നിരക്ക് തുടങ്ങുന്നത്. അടുത്ത മാസം 28 മുതല്‍ ദുബായില്‍ നിന്ന് പുതുതായി അമൃത്‌സറിലേക്കും ഇന്‍ഡിഗോ സര്‍വീസ് തുടങ്ങും.