പ്രമുഖ ഫ്ലെക്സിബിൾ വർക്ക്സ്പെയ്സ് ദാതാക്കളായ സ്മാർട്ട്വർക്സ് കോവർക്കിങ് സ്പേസസ് ലിമിറ്റഡ്, സിംഗപ്പൂർ ആസ്ഥാനമായി പ്രവർത്തിക്കുന്ന വർക്ക്സ്റ്റുഡിയോ സ്പേസസിനെ ഏറ്റെടുക്കാൻ ഒരുങ്ങുന്നു. കമ്പനിയുടെ പൂർണ്ണ ഉടമസ്ഥതയിലുള്ള ഉപസ്ഥാപനമായ സ്മാർട്ട്വർക്ക്സ് സ്പേസ് പ്രൈവറ്റ് ലിമിറ്റഡ് വഴിയാണ് ഏറ്റെടുക്കൽ നടത്തുന്നത്. ഇടപാട് 2026 ജൂലൈയിൽ പൂർത്തിയാകുമെന്നാണ് പ്രതീക്ഷിക്കുന്നത്.
തന്ത്രപരമായ ഈ ഏറ്റെടുക്കലിലൂടെ കമ്പനിയുടെ ഓഫീസ് വിസ്തൃതി 76,000 ചതുരശ്ര അടിയിലേക്കും സീറ്റുകളുടെ എണ്ണം 1,500-ലധികമായും വർദ്ധിക്കും. ഇന്ത്യൻ വിപണിക്ക് പുറത്തേക്ക് തങ്ങളുടെ സാന്നിധ്യം ശക്തമാക്കുന്നതിനും രാജ്യാന്തര തലത്തിൽ ബിസിനസ്സ് വിപുലീകരിക്കുന്നതിനുമുള്ള സ്മാർട്ട്വർക്സിന്റെ ശ്രമങ്ങളുടെ ഭാഗമായാണ് ഈ പുതിയ നീക്കം.