തകർപ്പൻ ഓഫറുകളുമായി ആമസോൺ പ്രൈം ഡേ വരുന്നു

ആമസോൺ വാ‍ർഷിക വിൽപ്പനയുടെ മുന്നോടിയായി ജൂലൈ 20, 21 തീയതികളിൽ പ്രൈം ഉപഭോക്താക്കൾക്കായി പ്രത്യേക വിൽപ്പന. എല്ലാ ഡീലുകൾക്കും ലോഞ്ച് ചെയ്യുന്ന ഉൽപ്പന്നങ്ങൾക്കും ഓഫ‍ർ ലഭിക്കും.

ആമസോൺ പ്രൈം അംഗങ്ങൾക്ക് സ്‌മാർട്ട്‌ഫോണുകൾ, ഉപഭോക്തൃ ഇലക്ട്രോണിക്‌സ് ഉൽപ്പന്നങ്ങൾ, ഫാഷൻ ബ്യൂട്ടി ഉൽപ്പന്നങ്ങൾ, ഫർണിച്ചറുകൾ എന്നിവക്കെല്ലാം ഓഫറുകൾ ലഭിക്കും.

സാംസങ് ഗാലക്സി എം35 5ജി, മോട്ടറോള 50 അൾട്ര, ലാവ ബ്ലെയ്സ് 6ടി 5ജി, വൺ പ്ലസ് 12 ആർ തുടങ്ങിയ പുതിയ സ്മാ‍ർട്ട് ഫോണുകൾക്കെല്ലാം ഓഫർ ലഭിക്കും. റിപ്പോർട്ടുകൾ അനുസരിച്ച് 2024 പ്രൈം ഡേയിൽ ഏറ്റവും വലിയ ഡീലുകളിൽ ഒന്ന് ഐഫോണിനാണ്.

ഐഫോൺ 13ന് 47,999 രൂപയ്ക്ക് വാങ്ങാൻ ആകും. പുതുതായി ലോഞ്ച് ചെയ്ത വൺ പ്ലസ് നോഡ് ബഡ്സ് 3 പ്രോക്കും ഉപഭോക്താക്കൾക്ക് കിടിലൻ ഓഫർ ലഭിക്കും.

എസി ഇപ്പോൾ വാങ്ങി വയ്ക്കാം; മികച്ച ഓഫർ
‌ലാപ്‌ടോപ്പുകൾ, ടാബ്‌ലെറ്റുകൾ, ഹെഡ്‌ഫോണുകൾ, ക്യാമറകൾ, മോണിറ്ററുകൾ, ഡെസ്‌ക്‌ടോപ്പുകൾ, പ്രിൻ്ററുകൾ എന്നിവയ്ക്കും മറ്റ് ഉപഭോക്തൃ ഇലക്ട്രോണിക് ഉൽപ്പന്നങ്ങൾക്കും ഒട്ടേറെ ഓഫറുകൾ ലഭിക്കും. ‌ ‌

സ്മാർട്ട് വാച്ചുകൾക്കും ഓഫറുകൾ ലഭ്യമാണ്. രണ്ട് സ്മാർട്ട് വാച്ചുകൾ വാങ്ങുമ്പോൾ 12 ശതമാനം കിഴിവ് ലഭ്യമാണ്.

സെക്യൂരിറ്റി ക്യാമറകൾ 1,000 രൂപയിൽ താഴെ വിലയിൽ ലഭ്യമാണ്. സോണി, സാംസങ്, എൽജി, റെഡ്മി, ഹിസെൻസ്, വൂ, ടിസിഎൽ, ഏസർ തുടങ്ങിയ മുൻനിര ബ്രാൻഡുകളിൽ നിന്നുള്ള ടിവികൾക്ക് 65 ശതമാനം വരെ കിഴിവ് ലഭിക്കും. ‌ എസികൾക്കും 55 ശതമാനം വരെ കിഴിവ് ലഭ്യമാണ്.

3,200-ലധികം ഉൽപ്പന്നങ്ങളുമായി ചെറു ബിസിനസുകൾ
ഗൃഹോപകരണങ്ങൾ, ഫാഷൻ ഉൽപ്പന്നങ്ങൾക്കും മാത്രമല്ല കരകൗശലവസ്തുക്കൾ ആക്സസറീസ് തുടങ്ങി 3,200-ലധികം ഉൽപ്പന്നങ്ങൾക്ക് ഓഫർ ലഭ്യമാണ്. നിരവധി ചെറുകിട ബ്രാൻഡുകളും ഒട്ടേറെ ഉൽപ്പന്നങ്ങൾ വിൽപ്പനക്ക് എത്തിക്കുന്നുണ്ട്.

ബെഹോമ, ഡ്രീം ഓഫ് ഗ്ലോറി, ഒറിക്ക സ്പൈസസ് തുടങ്ങിയ ബ്രാൻഡുകൾ ഇതിൽ ഉൾപ്പെടുന്നു. ആമസോൺ ഡേയിൽ പതിനായിരക്കണക്കിന് ചെറുകിട ബിസിനസുകാരും പങ്കെടുക്കും.

ചെറുകിട ഇടത്തരം ബിസിനസ്സുകൾക്ക് ഇ-കൊമേഴ്സിന്റെ സാധ്യത മനസ്സിലാക്കാനും ഉൽപ്പന്നങ്ങൾ വിറ്റഴിക്കാനും പ്രൈം ഡേ സഹായകരമാകും. നൂതനമായ ഡിസൈനുകളിലെ മോഡേൺ ഹോം ഡെക്കർ ബ്രാൻഡാണ് ബെഹോമ.