ഇ​ന്ത്യ​ൻ ക​യ​റ്റു​മ​തി​ക്കാ​രു​ടെ സം​ഘ​ത്തി​ന് ബ​ഹ്‌​റൈ​നി​ൽ ഊ​ഷ്മ​ള സ്വീ​ക​ര​ണം

മ​നാ​മ: ഇ​ന്ത്യ- ബ​ഹ്‌​റൈ​ൻ വ്യാ​പാ​ര, നി​ക്ഷേ​പ സാ​ധ്യ​ത​ക​ൾ​ക്ക് പു​തി​യ വ​ഴി​ക​ൾ തു​റ​ന്നു​കൊ​ണ്ട് ഇ​ന്ത്യ​ൻ ക​യ​റ്റു​മ​തി​ക്കാ​രു​ടെ സം​ഘം ബ​ഹ്‌​റൈ​ൻ സ​ന്ദ​ർ​ശി​ച്ചു. അ​ഗ്രി​ക​ൾ​ച​റ​ൽ ആ​ൻ​ഡ് പ്രോ​സ​സ്ഡ് ഫു​ഡ് പ്രോ​ഡ​ക്ട്സ് എ​ക്‌​സ്‌​പോ​ർ​ട്ട് ഡെ​വ​ല​പ്‌​മെ​ന്റ് അ​തോ​റി​റ്റി​യു​ടെ (APEDA) നേ​തൃ​ത്വ​ത്തി​ൽ 27 അം​ഗ ഇ​ന്ത്യ​ൻ പ്ര​തി​നി​ധി​സം​ഘ​മാ​ണ് സ​ന്ദ​ർ​ശ​നം ന​ട​ത്തി​യ​ത്. ബ​സു​മ​തി അ​രി, സം​സ്‌​ക​രി​ച്ച ഭ​ക്ഷ​ണം, മൃ​ഗ​ഉ​ൽ​പ​ന്ന​ങ്ങ​ൾ എ​ന്നി​വ​യു​ടെ​യ​ട​ക്കം ഇ​ന്ത്യ​ൻ ഉ​ൽ​പ​ന്ന​ങ്ങ​ളു​ടെ ക​യ​റ്റു​മ​തി​ക്കാ​രാ​ണ് സം​ഘ​ത്തി​ലു​ണ്ടാ​യി​രു​ന്ന​ത്.

ബ​ഹ്‌​റൈ​ൻ ചേം​ബ​ർ ഓ​ഫ് കോ​മേ​ഴ്‌​സ് & ഇ​ൻ​ഡ​സ്ട്രി (ബി.​സി.​സി.​ഐ), ബ​ഹ്‌​റൈ​ൻ ഇ​ന്ത്യ സൊ​സൈ​റ്റി എ​ന്നി​വ​യു​ടെ സ​ഹ​ക​ര​ണ​ത്തോ​ടെ ഇ​ന്ത്യ​ൻ എം​ബ​സി, ഇ​വ​ർ​ക്കാ​യി ബി​സി​ന​സ് മീ​റ്റി​ങ് സം​ഘ​ടി​പ്പി​ച്ചു.

മീ​റ്റി​ങ്ങി​ൽ നൂ​റി​ല​ധി​കം ബ​ഹ്‌​റൈ​ൻ വ്യ​വ​സാ​യി​ക​ൾ പ​ങ്കെ​ടു​ത്തു. ബി.​സി.​സി.​ഐ ചെ​യ​ർ​മാ​ൻ സ​മീ​ർ അ​ബ്ദു​ള്ള നാ​സ്, ബ​ഹ്‌​റൈ​ൻ ഇ​ന്ത്യ സൊ​സൈ​റ്റി​യു​ടെ സ്ഥാ​പ​ക ചെ​യ​ർ​മാ​ൻ അ​ബ്ദു​ൽ​ന​ബി അ​ൽ​ഷോ​ല, ഇ​ന്ത്യ​ൻ അം​ബാ​സ​ഡ​ർ വി​നോ​ദ് കെ.​ജേ​ക്ക​ബ് എ​ന്നി​വ​ർ സ​ന്നി​ഹി​ത​രാ​യി​രു​ന്നു.ഇ​ന്ത്യ​ൻ ഉ​ൽ​പ​ന്ന​ങ്ങ​ളെ പ്ര​ച​രി​പ്പി​ക്കു​ന്ന​തി​ന്റെ ഭാ​ഗ​മാ​യി അ​ൽ ജ​സീ​റ, ലു​ലു സൂ​പ്പ​ർ​മാ​ർ​ക്ക​റ്റു​ക​ളി​ൽ ഇ​ന്ത്യ​ൻ ബ​സു​മ​തി റൈ​സ് കൊ​ണ്ട് നി​ർ​മി​ച്ച ബി​രി​യാ​ണി മേ​ള സം​ഘ​ടി​പ്പി​ച്ചി​രു​ന്നു.

ഹ​ലാ​ൽ മീ​റ്റ് വി​പ​ണ​നം സം​ബ​ന്ധി​ച്ച് പ്ര​തി​നി​ധി സം​ഘം ഭ​ക്ഷ്യ​സു​ര​ക്ഷ​ക്കു​ള്ള പ​ബ്ലി​ക് ഹെ​ൽ​ത്ത് ഡ​യ​റ​ക്ട​റേ​റ്റു​മാ​യും മു​നി​സി​പ്പാ​ലി​റ്റി ആ​ൻ​ഡ് അ​ഗ്രി​ക​ൾ​ച​ർ മ​ന്ത്രാ​ല​യ​വു​മാ​യും കൂ​ടി​ക്കാ​ഴ്ച​ക​ൾ ന​ട​ത്തി.

പ​ര​മ്പ​രാ​ഗ​ത​മാ​യി, ബ​ഹ്‌​റൈ​നി​ലേ​ക്ക് അ​രി, മാം​സം, പ​ഞ്ച​സാ​ര, സു​ഗ​ന്ധ​വ്യ​ഞ്ജ​ന​ങ്ങ​ൾ, പ​ഴ​ങ്ങ​ൾ, പ​ച്ച​ക്ക​റി​ക​ൾ എ​ന്നി​വ ക​യ​റ്റു​മ​തി ചെ​യ്യു​ന്ന പ്ര​ധാ​ന രാ​ജ്യ​മാ​ണ് ഇ​ന്ത്യ. സ​മീ​പ​കാ​ല​ത്താ​യി ഇ​ന്ത്യ​ൻ നി​ർ​മി​ത സം​സ്‌​ക​രി​ച്ച ഭ​ക്ഷ്യോ​ൽ​പ​ന്ന​ങ്ങ​ൾ, ഓ​ർ​ഗാ​നി​ക് ഭ​ക്ഷ്യ​വ​സ്തു​ക്ക​ൾ, പാ​ലു​ൽ​പ​ന്ന​ങ്ങ​ൾ എ​ന്നി​വ​ക്ക് ബ​ഹ്‌​റൈ​നി​ൽ ജ​ന​പ്രീ​തി​യേ​റി​യി​ട്ടു​ണ്ട്.

ഉ​യ​ർ​ന്ന ഗു​ണ​മേ​ന്മ​യു​ള്ള ഭ​ക്ഷ്യ-​കാ​ർ​ഷി​ക ഉ​ൽ​പ​ന്ന​ങ്ങ​ളാ​ണ് ഇ​ന്ത്യ​യി​ൽ​നി​ന്ന്, ക​യ​റ്റു​മ​തി ചെ​യ്യു​ന്ന​ത്. ഗു​ണ​നി​ല​വാ​ര സ​ർ​ട്ടി​ഫി​ക്കേ​ഷ​ൻ ഉ​റ​പ്പാ​ക്കാ​നും വി​വി​ധ ഉ​ൽ​പ​ന്ന​ങ്ങ​ൾ​ക്കും ക​യ​റ്റു​മ​തി​ക്കാ​ർ​ക്കും ടെ​സ്റ്റി​ങ് സേ​വ​ന​ങ്ങ​ൾ വാ​ഗ്ദാ​നം ചെ​യ്യാ​നാ​യി സ​ർ​ക്കാ​ർ രാ​ജ്യ​വ്യാ​പ​ക​മാ​യി നി​ര​വ​ധി ലാ​ബു​ക​ൾ സ​ജ്ജീ​ക​രി​ച്ചി​ട്ടു​ണ്ട്.

ഹ​ലാ​ൽ ഉ​ൽ​പ​ന്ന​ങ്ങ​ളു​ടെ പ​രി​ശോ​ധ​ന​ക്ക് ഇ​ന്ത്യ​ൻ ഗ​വ​ൺ​മെ​ന്റ് ക്വാ​ളി​റ്റി കൗ​ൺ​സി​ൽ ഓ​ഫ് ഇ​ന്ത്യ​യെ (ക്യു.​സി.​ഐ) അ​ധി​കാ​ര​പ്പെ​ടു​ത്തി​യി​ട്ടു​ണ്ട്. ഇ​തി​നു​ള്ള നി​രീ​ക്ഷ​ണ ഏ​ജ​ൻ​സി​യാ​യി അ​ഗ്രി​ക​ൾ​ച​റ​ൽ ആ​ൻ​ഡ് പ്രോ​സ​സ്ഡ് ഫു​ഡ് പ്രോ​ഡ​ക്ട്സ് എ​ക്‌​സ്‌​പോ​ർ​ട്ട് ഡെ​വ​ല​പ്‌​മെ​ന്റ് അ​തോ​റി​റ്റി​യെ​യും നി​ശ്ച​യി​ച്ചി​ട്ടു​ണ്ട്.

ക​ഴി​ഞ്ഞ​വ​ർ​ഷം ബഹ്റൈനിലേക്കുള്ള ​ഇന്ത്യ​ൻ ക​യ​റ്റു​മ​തി 900 ദ​ശ​ല​ക്ഷം യു.​എ​സ് ഡോ​ള​ർ

മ​നാ​മ: 2023 മു​ത​ൽ 24 വ​രെ​യു​ള്ള കാ​ല​യ​ള​വി​ൽ ബ​ഹ്‌​റൈ​നി​ലേ​ക്കു​ള്ള ഇ​ന്ത്യ​ൻ ക​യ​റ്റു​മ​തി ഏ​ക​ദേ​ശം 900 ദ​ശ​ല​ക്ഷം യു.​എ​സ് ഡോ​ള​റാ​ണെ​ന്ന് അം​ബാ​സ​ഡ​ർ വി​നോ​ദ് കെ. ​ജേ​ക്ക​ബ് പ​റ​ഞ്ഞു. 829 ദ​ശ​ല​ക്ഷം യു.​എ​സ് ഡോ​ള​റി​ന്റെ സാ​ധ​ന​ങ്ങ​ൾ ഇ​ന്ത്യ ഇ​റ​ക്കു​മ​തി ചെ​യ്തി​ട്ടു​ണ്ട്.

ഭ​ക്ഷ്യ-​കാ​ർ​ഷി​ക വി​ഭ​വ​ങ്ങ​ളാ​ണ് ഉ​ഭ​യ​ക​ക്ഷി വ്യാ​പാ​ര​ത്തി​ന്റെ പ്ര​ധാ​ന മേ​ഖ​ല​ക​ൾ. ക​ഴി​ഞ്ഞ വ​ർ​ഷം ഇ​ന്ത്യ 67.68 ദ​ശ​ല​ക്ഷം ഡോ​ള​റി​ന്റെ അ​രി​യും 22 ദ​ശ​ല​ക്ഷം ഡോ​ള​ർ വി​ല​മ​തി​ക്കു​ന്ന എ​ല്ലി​ല്ലാ​ത്ത മാം​സ​വും ക​യ​റ്റു​മ​തി ചെ​യ്തു. 2023-24 ലെ ​ഇ​ന്ത്യ​യു​ടെ ആ​ഗോ​ള ക​യ​റ്റു​മ​തി 48.76 ബി​ല്യ​ൺ യു.​എ​സ് ഡോ​ള​റാ​ണ്.