സ്വർണവിലയിൽ വീണ്ടും കുറവ്; ഈ മാസത്തെ ഏറ്റവും താഴ്ന്ന നിലയിൽ…

കോഴിക്കോട്: സംസ്ഥാനത്ത് സ്വർണവിലയിൽ വീണ്ടും കുറവ്. ഇന്ന് പവന് 80 രൂപയാണ് കുറഞ്ഞത്. 44,360 രൂപയാണ് പവന് പുതിയ വില. ഒരു ഗ്രാം സ്വർണത്തിന് വില 5545 രൂപയാണ്.

ഈ മാസത്തെ ഏറ്റവും താഴ്ന്ന വിലയിലാണ് സ്വർണം. ഇന്നലെ 44,440 രൂപയായിരുന്നു വില. നവംബർ മൂന്നിലെ വിലയായ 45,280 രൂപയാണ് ഈ മാസത്തെ ഏറ്റവുമുയർന്ന വില.

ഒക്ടോബർ 28ന് സ്വർണവില റെക്കോർഡിലെത്തിയിരുന്നു. ഒരു ഗ്രാം സ്വർണത്തിന് 5740 രൂപയും പവന് 45,920 രൂപയുമായിരുന്നു അന്ന് സ്വർണവില.