പോണ്‍ റാക്കറ്റ് നടത്തിയ യുവ ബംഗാളി നടി നന്ദിത ദത്ത അറസ്റ്റില്‍
August 1, 2021
കൊല്‍ക്കത്ത: യുവ മോഡലുകളെ വ്യാജ വാഗ്ദാനങ്ങള്‍ നല്‍കിയും ഭീഷണിപ്പെടുത്തിയും അശ്ലീല സിനിമകളില്‍ അഭിനയിപ്പിച്ച നടി നന്ദിത ദത്ത അറസ്റ്റിലായി. ഒ.ടി.ടി പ്ലാറ്റ്ഫോമുകളില്‍ സോഫ്റ്റ് പോണ്‍ ചിത്രങ്ങളിലൂടെ ശ്രദ്ധിക്കപ്പെട്ട നന്ദിത സ്ക്രീന്‍ നാമമായ ‘നാന്‍സി ബാബി’ എന്നാണ് പൊതുവെ അറിയപ്പെടുന്നത്. നന്ദിതയുടെ കൂട്ടാളിയായ മൈനാക് ഘോഷും അറസ്റ്റിലായിട്ടുണ്ട്.
ഡംഡമിലെയും നക്താലയിലെയും വീടുകളില്‍ നിന്നാണ് നന്ദിതയും മൈനാകും അറസ്റ്റിലായത്. രണ്ട് മോഡലുകള്‍ ജൂലൈ 26ന് ന്യൂടൗണ്‍ പൊലീസില്‍ നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്.ബാലിഗഞ്ച് സ്റ്റുഡിയോയില്‍ വെച്ച്‌ ഒരിക്കല്‍ തന്‍റെ നഗ്ന വിഡിയോ ചിത്രീകരിച്ചതായാണ് ഒരാള്‍ പരാതിപ്പെട്ടത്. ന്യൂടൗണ്‍ ഹോട്ടലില്‍ വെച്ച്‌ ഇതേ സംഘം തന്നെ അശ്ലീല വിഡിയോയില്‍ അഭിനയിപ്പിച്ചതായി രണ്ടാമത്തെ മോഡല്‍ പരാതി നല്‍കി. അറസ്റ്റിലായ പ്രതികളെ ഒരാഴ്ച പൊലീസ് കസ്റ്റഡിയില്‍ വിട്ടു.
കൂടുതൽ വാർത്തകൾക്ക് വാട്സാപ്പ് ഗ്രൂപ്പിൽ അംഗമാകാൻ ക്ലിക്ക് ചെയ്യൂ
ഇരുവരും അശ്ലീല വിഡിയോകള്‍ വിറ്റിട്ടുണ്ടോ എന്നും വലിയ റാക്കറ്റിലെ അംഗങ്ങളാണോയെന്നും പ്രതികള്‍ക്ക് രാജ് കുന്ദ്ര കേസുമായി ബന്ധമുണ്ടോയെന്നും പൊലീസ് അന്വേഷിക്കുന്നുണ്ട്.അടുത്തിടെ ന്യൂടൗണ്‍, സാള്‍ട്ട്ലേക്ക് എന്നിവിടങ്ങളില്‍ നിന്ന് പൊലീസ് പോണ്‍ റാക്കറ്റുമായി ബന്ധപ്പെട്ട ഫോട്ടോഗ്രാഫറെയും മേക്കപ്പ് ആര്‍ട്ടിസ്റ്റിനെയും അറസ്റ്റ് ചെയ്തിരുന്നു. പണവും പ്രശസ്തിയും ആഗ്രഹിക്കുന്ന മധ്യവര്‍ഗ കുടുംബത്തിലെ പെണ്‍കുട്ടികളെ വ്യാജ വാഗ്ദാനങ്ങള്‍ നല്‍കിയാണ് സംഘം വലയിലാക്കുന്നതെന്ന് പൊലീസ് പറഞ്ഞു.
