മുംബൈ: മോശം ഒന്നാംപാദ ഫലങ്ങള് റിപ്പോര്ട്ട് ചെയ്തെങ്കിലും പ്രജ് ഇന്ഡസ്ട്രീസ് ടിറ്റഗഡ് റെയില് സിസ്റ്റംസ് ഓഹരികള് ചൊവ്വാഴ്ച സമ്മിശ്ര പ്രകടനം നടത്തി.
പ്രജ് ഇന്ഡസ്ട്രീസ്
പ്രജ് ഇന്ഡസ്ട്രീസ് ഓഹരികള് ഏകദേശം 9% ഇടിഞ്ഞ് രണ്ട് വര്ഷത്തെ ഏറ്റവും താഴ്ന്ന നിലയിലെത്തി. കമ്പനിയുടെ സംയോജിത നികുതിയ്ക്ക് ശേഷമുള്ള ലാഭം ആദ്യ പാദത്തില് 94% ഇടിഞ്ഞ് 5.34 കോടി രൂപയായിരുന്നു. വരുമാനം 699 കോടി രൂപയില് നിന്നും 640 കോടി രൂപയായി കുറഞ്ഞു.
ഇബിറ്റ മാര്ജിനില് 66 ശതമാനത്തിന്റെ ഇടിവാണ് ദൃശ്യമായത്.
ടിറ്റാഗഡ് റെയില് സിസ്റ്റംസ്
മോശം ഒന്നാംപാദ ഫലങ്ങളാണ് റിപ്പോര്ട്ട് ചെയ്തതെങ്കിലും ടിറ്റഗഡ് ഓഹരി ചൊവ്വാഴ്ച 4 ശതമാനത്തിലധികം ഉയര്ന്നു. ജൂണ് പാദത്തിലെ കമ്പനിയുടെ ഏകീകൃത അറ്റാദായം വാര്ഷികാടിസ്ഥാനത്തില് പകുതിയിലധികം കുറഞ്ഞ് 31 കോടി രൂപയായിരുന്നു. വരുമാനം ഏകദേശം 25% കുറഞ്ഞ് 679 കോടി രൂപയായി.