സ്വർണവില വീണ്ടും 46,000 കടന്നു

കൊച്ചി: അഞ്ചു ദിവസത്തെ ഇടവേളക്ക് ശേഷം സ്വർണവില വീണ്ടും പവന് 46000 കടന്നു. ഇന്ന് ഗ്രാമിന് 35 രൂപ രൂപ കൂടി 5775 രൂപയും പവന് 280 രൂപ കൂടി 46,200 രൂപയുമായി.

ഈ മാസം നാലിനായിരുന്നു സ്വർണത്തിന് റെക്കോഡ് വില. 47080 രൂപയായിരുന്നു അന്ന് പവന് രേഖപ്പെടുത്തിയത്. പിന്നീട് ഘട്ടംഘട്ടമായി വിലയിടിഞ്ഞു. ഡിസംബർ 13ന് 45,320 രൂപയായി താഴ്ന്നിരുന്നു. പിന്നീട് വിവിധ ദിവസങ്ങളിലായി നേരിയ ഏറ്റക്കുറച്ചിലുകൾ രേഖപ്പെടുത്തിയ ശേഷമാണ് ഇന്ന് വീണ്ടും 46,200ലെത്തിയത്.