പൊന്നിന് പൊള്ളില്ല; സ്വർണവില വീണ്ടും കുറഞ്ഞു

കൊച്ചി: സംസ്ഥാനത്ത് സ്വർണവില വീണ്ടും കുറഞ്ഞു. പവന് 440 രൂപ കുറഞ്ഞ് 45,720 രൂപയിലെത്തി. ഗ്രാമിന് 55 രൂപ താഴ്ന്ന് 5,715 രൂപയിലാണ് വ്യാപാരം നടക്കുന്നത്.

അഞ്ച് ദിവസത്തിനിടെ പവൻ വിലയിൽ 1,500 രൂപയുടെ കുറവാണ് രേഖപ്പെടുത്തിയത്. ഈ മാസത്തെ ഏറ്റവും കുറഞ്ഞ വിലയാണ് ഇന്നത്തേത്.

ഈ മാസത്തെ ഏറ്റവും കൂടിയ വിലയായ 47,080 രൂപ ഡിസംബർ നാലിന് രേഖപ്പെടുത്തിയിരുന്നു. ഇന്നലെ 46,160 രൂപയായിരുന്നു ഒരു പവന്‍റെ വില.

പവൻ വില അഞ്ചാം തീയതി 46,280 രൂപയിലും ആറിന് 45,960 രൂപയുമായി. ഏഴിന് വീണ്ടും വില കൂടി 46,040 രൂപയിലെത്തി.