ക​രു​ത​ൽ സ്വ​ർ​ണം തി​രി​ച്ചെ​ത്തി​ക്കു​ന്ന​തി​നു പി​ന്നി​ൽ?

വി​ദേ​ശ​ങ്ങ​ളി​ൽ സൂ​ക്ഷി​ക്കു​ന്ന കരുതൽസ്വ​ർ​ണം ക​ഴി​ഞ്ഞ കു​റ​ച്ചു വ​ർ​ഷ​ങ്ങ​ളാ​യി കേ​ന്ദ്ര സ​ർ​ക്കാ​ർ വ​ൻ​തോ​തി​ൽ തി​രി​ച്ചു​ കൊ​ണ്ടു​വ​രു​ന്ന​തി​നു പി​ന്നി​ലെ​ന്ത് ? ബാ​ങ്ക് ഓ​ഫ് ഇം​ഗ്ല​ണ്ടി​ൽനി​ന്ന് ര​ണ്ടു മാ​സം മു​മ്പ് നൂ​റി​ലേ​റെ ട​ൺ ക​രു​ത​ൽ സ്വ​ർ​ണം രാ​ജ്യ​ത്ത് തി​രി​ച്ചെ​ത്തി​ച്ച​താ​യി റി​സ​ർ​വ് ബാ​ങ്ക് ക​ഴി​ഞ്ഞ ആ​ഴ്ച അ​റി​യി​ച്ചി​രു​ന്നു. ഭൗ​മ രാ​ഷ്ട്രീ​യ, സാ​മ്പ​ത്തി​ക വെ​ല്ലു​വി​ളി​ക​ൾ ഫ​ല​പ്ര​ദ​മാ​യി നേ​രി​ടു​ന്ന​തി​നാ​ണ് രാ​ജ്യ​ത്തി​ന്റെ സ്വ​ർ​ണം സ്വ​ദേ​ശ​ത്തു​ത​ന്നെ സൂ​ക്ഷി​ക്കു​ന്ന​തെ​ന്നാ​ണ് റി​സ​ർ​വ് ബാ​ങ്ക് അ​വ​കാ​ശ​പ്പെ​ടു​ന്ന​ത്.

അ​തേ​സ​മ​യം, വി​ദേ​ശ​ത്തു​ള്ള റ​ഷ്യ​യു​ടെ വി​ദേ​ശ​നാ​ണ്യ​ശേ​ഖ​രം മ​ര​വി​പ്പി​ച്ച യു.​എ​സ് ന​ട​പ​ടി​യു​ടെ പ​ശ്ചാ​ത്ത​ല​ത്തി​ലാ​ണ് പു​തി​യ നീ​ക്ക​മെ​ന്ന് ചി​ല വാ​ർ​ത്ത​ക​ൾ വ​ന്നി​രു​ന്നു. എ​ന്നാ​ൽ, ആ​ർ.​ബി.​ഐ ഈ ​വാ​ദം അം​ഗീ​ക​രി​ക്കു​ന്നി​ല്ല. വി​നി​മ​യ​ത്തി​നും ക​റ​ൻ​സി പ​ര​സ്പ​ര കൈ​മാ​റ്റ​ത്തി​നും സ​ഹാ​യ​ക​മാ​യ​തി​നാ​ലാ​ണ് വി​ദേ​ശ​ബാ​ങ്കു​ക​ളി​ൽ ക​രു​ത​ൽ സ്വ​ർ​ണം സൂ​ക്ഷി​ക്കു​ന്ന​ത്.

ഇ​ന്ത്യ​യി​ൽ ത​ന്നെ ആ​വ​ശ്യ​ത്തി​ന് ​സൂ​ക്ഷി​പ്പു​കേ​ന്ദ്ര​ങ്ങ​ളു​ള്ള​തി​നാ​ലാ​ണ് ക​രു​ത​ൽ സ്വ​ർ​ണം തി​രി​ച്ചു​കൊ​ണ്ടു​വ​രു​ന്ന​ത്. ഇ​തി​ന് മ​റി​​ച്ചൊ​രു അ​ർ​ഥം ന​ൽകേ​ണ്ട​തി​ല്ല’

ശ​ക്തി​കാ​ന്ത ദാ​സ് ആ​ർ.​ബി.​ഐ ഗ​വ​ർ​ണ​ർ

ഇ​ന്ത്യ​യു​ടെ സ്വ​ർ​ണ​ക്ക​ണ​ക്ക്

• ആ​കെ സ്വ​ർ​ണ ക​രു​ത​ൽ ശേ​ഖ​രം 857.7 ട​ൺ
• ഇ​ന്ത്യ​യി​ൽ സൂ​ക്ഷി​ക്കു​ന്ന​ത് 510.5 ട​ൺ
• (കൂ​ടു​ത​ലും മും​ബൈ​യി​ൽ)
• സ്വ​ദേ​ശ​ത്തേ​ക്ക് തി​രി​ച്ചെ​ത്തി​ച്ച​ത്
• 2022 ഏ​പ്രി​ൽ-2024 സെ​പ്റ്റം​ബ​ർ 112.1 ട​ൺ
• 2024-25 സാ​മ്പ​ത്തി​ക വ​ർ​ഷം 102.2 ട​ൺ
• വി​ദേ​ശ​ത്തെ ഇന്ത്യയുടെ ക​രു​ത​ൽ സ്വ​ർ​ണ ശേ​ഖ​രം
• ബാ​ങ്ക് ഓ​ഫ് ഇം​ഗ്ല​ണ്ട് 314 ട​ൺ
• ബാ​ങ്ക് ഓ​ഫ് ഇ​ന്റ​ർ​നാ​ഷ​ണ​ൽ സെ​റ്റ്ൽ​മെ​ന്റ്സ് ബേ​സ​ൽ (സ്വി​റ്റ്സ​ർ​ലൻ​ഡ്), ഫെ​ഡ​റ​ൽ റി​സ​ർ​വ് ബാ​ങ്ക് ഓ​ഫ് ന്യൂ​യോ​ർ​ക്ക് 10 ട​ൺ

തി​രി​ച്ചു​കൊ​ണ്ടു​വ​രു​ന്ന​തി​നു​ള്ള കാ​ര​ണ​ങ്ങ​ൾ

• പ​ടി​ഞ്ഞാ​റ​ൻ രാ​ജ്യ​ങ്ങ​ളി​ലെ റ​ഷ്യ​ൻ ആ​സ്തി​ക​ൾ മ​ര​വി​പ്പി​ക്ക​പ്പെ​ട്ട​ത് മ​റ്റു രാ​ഷ്ട്ര​ങ്ങ​ളെ​യും മാ​റ്റി​ച്ചി​ന്തി​പ്പി​ക്കു​ന്നു.
• വി​ദേ​ശ​ത്ത് സൂ​ക്ഷി​ക്കാ​നു​ള്ള ഇ​ൻ​ഷു​റ​ൻ​സ്, സം​ഭ​ര​ണ ഫീ​സ് തു​ട​ങ്ങി​യ​വ ലാ​ഭി​ക്കാം.
• വ്യ​ത്യ​സ്ത കേ​ന്ദ്ര​ങ്ങ​ളി​ൽ സൂ​ക്ഷി​ക്കു​ന്ന​തി​ലൂ​​ടെ അ​പ​ക​ട സാ​ധ്യ​ത കു​റ​ക്കാം.
• തൊ​ണ്ണൂ​റ്റൊ​ന്നി​ലെ ‘സ്വ​ർ​ണ​പ്പ​റ​ക്ക​ൽ’

1991ൽ ​രാ​ജ്യം വ​ൻ വി​ദേ​ശ​നാ​ണ്യ ക്ഷാ​മം നേ​രി​ട്ട​പ്പോ​ൾ, അ​ടി​യ​ന്ത​ര ഫ​ണ്ട് സ്വ​രൂ​പി​ക്കാ​ൻ ഈ​ടാ​യി ന​ൽ​കാ​ൻ 87 ട​ൺ സ്വ​ർ​ണം വി​ദേ​ശ​ങ്ങ​ളി​ലേ​ക്ക് കൊ​ണ്ടു​പോ​യ​താ​ണ് ഈ ​സം​ഭ​വം. ബാ​ങ്ക് ഓ​ഫ് ഇം​ഗ്ല​ണ്ടി​ലേ​ക്ക് 47 ട​ണ്ണും 20 ട​ൺ യൂ​നിയ​ൻ ബാ​ങ്ക് ഓ​ഫ് സ്വി​റ്റ്സ​ർ​ലാ​ൻ​ഡി​ലേ​ക്കു​മാ​യി കൊ​ണ്ടു​പോ​യ​ത്. 1991 ന​വം​ബ​റോ​ടെ വാ​യ്പ തി​രി​ച്ച​ട​ച്ചു​വെ​ങ്കി​ലും ഭാ​വി ഉ​പ​യോ​ഗ​ങ്ങ​ൾ മു​ന്നി​ൽ ക​ണ്ട് വി​ദേ​ശ​ങ്ങ​ളി​ൽത​ന്നെ സൂ​ക്ഷി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.