കറുത്ത പൊന്നിന്റെ വിലയിൽ കുതിപ്പ്​; 700 കടന്നു

ക​ട്ട​പ്പ​ന: ക​റു​ത്ത പൊ​ന്നി​ന്റെ വി​ല സ​ർ​വ​കാ​ല റെ​ക്കോ​ഡി​ലേ​ക്ക് കു​തി​ക്കു​ന്നു. ക​ട്ട​പ്പ​ന മാ​ർ​ക്ക​റ്റി​ൽ കു​രു​മു​ള​ക് വി​ല കി​ലോ​ക്ക്​ 700 ക​ട​ന്നു. 2014ൽ ​കു​രു​മു​ള​ക്​ വി​ല 700ൽ ​എ​ത്തി​യി​രു​ന്നു. ആ ​വി​ല​യാ​ണ് ഇ​പ്പോ​ൾ 705ലേ​ക്ക് ഉ​യ​ർ​ന്ന​ത്. ആ​റു​മാ​സം മു​മ്പ് കി​ലോ​ക്ക്​ 480 രൂ​പ​യാ​യി​രു​ന്ന വി​ല ജൂ​ൺ ആ​ദ്യ ആ​ഴ്ച 650 രൂ​പ​യി​ലേ​ക്ക് ഉ​യ​ർ​ന്നി​രു​ന്നു അ​വി​ടെ​നി​ന്നാ​ണ്​ ഇ​പ്പോ​ൾ 705ലേ​ക്ക് ഉ​യ​ർ​ന്ന​ത്. ഒ​രാ​ഴ്​​ച​ക്കി​ടെ കി​ലോ​ക്ക്​ ശ​രാ​ശ​രി 60 രൂ​പ​യു​ടെ വ​ർ​ധ​ന​യു​ണ്ടാ​യി. വ​രും​ദി​വ​സ​ങ്ങ​ളി​ൽ വി​ല ഇ​നി​യും ഉ​യ​രു​മെ​ന്നാ​ണ്​ ക​ച്ച​വ​ട​ക്കാ​ർ പ​റ​യു​ന്ന​ത്.

ഇ​ന്തോ​നേ​ഷ്യ, ബ്ര​സീ​ൽ, വി​യ​റ്റ്നാം, മ​ലേ​ഷ്യ, ശ്രീ​ല​ങ്ക എ​ന്നി​വി​ട​ങ്ങ​ളി​ൽ​നി​ന്നു​ള്ള കു​രു​മു​ള​കി​ന്‍റെ വ​ര​വ് അ​ന്താ​രാ​ഷ്ട്ര വി​പ​ണി​യി​ൽ കു​റ​ഞ്ഞ​തും ഇ​ന്ത്യ​ൻ കു​രു​മു​ള​കി​ന് പ്രി​യ​മേ​റി​യ​തു​മാ​ണ് വി​ല ഉ​യ​രാ​ൻ കാ​ര​ണ​മാ​യി ചൂ​ണ്ടി​ക്കാ​ട്ടു​ന്ന​ത്. എ​ന്നാ​ൽ, ആ​ഭ്യ​ന്ത​ര ഉ​ൽ​പാ​ദ​ന​ത്തി​ൽ ഇ​ടി​വു​ണ്ടാ​യ​തും ക​ന​ത്ത വേ​ന​ലി​നെ തു​ട​ർ​ന്ന് കു​രു​മു​ള​ക് ചെ​ടി​ക​ൾ ന​ശി​ച്ച​തും വി​ല ഉ​യ​രാ​ൻ ഇ​ട​യാ​ക്കി​യി​ട്ടു​ണ്ട്. അ​ന്ത​ർ ദേ​ശീ​യ വി​പ​ണി​യി​ൽ ഇ​ന്ത്യ​ൻ കു​രു​മു​ള​കി​ന്റെ ഡി​മാ​ൻ​ഡ്​ ഉ​യ​ർ​ന്ന​തും വി​ല വ​ർ​ധ​ന​ക്ക്​ സ​ഹാ​യി​ച്ചു. ഇ​ടു​ക്കി​യി​ൽ കു​രു​മു​ള​ക് ചെ​ടി​ക​ൾ​ക്ക് ഉ​ണ്ടാ​യ രോ​ഗ​ബാ​ധ ഈ ​വ​ർ​ഷം ഉ​ൽ​പാ​ദ​ന​ത്തെ ബാ​ധി​ക്കു​മെ​ന്ന സൂ​ച​ന​ക​ളും വി​ല ഉ​യ​ർ​ച്ച​ക്ക് ഇ​ട​യാ​ക്കി.