എം.ആർ.എ റസ്റ്റാറന്‍റ് ഇനി അസൈബയിലും
April 8, 2024
മസ്‌കത്ത്: എം.ആർ.എ ബേക്കറി ആൻഡ് റസ്‌റ്റാറന്റിന്റെ ഒമാനിലെ രണ്ടാമത്തെ ബ്രാഞ്ച് അസൈബയിൽ പ്രവർത്തനം ആരംഭിച്ചു.
മസ്‌കത്ത് അന്താരാഷ്ട്ര എയർപോർട്ടിന് സമീപമുള്ള ഷെൽ പെട്രോൾ സ്റ്റേഷൻ അസൈബ സ്‌ക്വയറിൽ പാണക്കാട് മുനവ്വറലി ശിഹാബ് തങ്ങൾ ഉദ്‌ഘാടനം ചെയ്തു. ഒരേ സമയം 450 പേർക്കുവരെ ഇരുന്നു ഭക്ഷണം കഴിക്കാനുള്ള സൗകര്യമാണ് ഇവിടെ ഒരുക്കിയിരിക്കുന്നത്.
കൂടാതെ എക്സ്പ്രസ്സ് ടേക്ക് എവേ കൗണ്ടർ, 100 പേർക്കുള്ള പാർട്ടി ഹാൾ സൗകര്യം, മജ്ലിസുകൾ എന്നിവ ക്രമീകരിച്ചിട്ടുണ്ട്. അറബിക്, ടർക്കിഷ്, ഇന്ത്യൻ, കോണ്ടിനെന്റൽ, ബേക്കറി, പാസ്‌ട്രി, മലബാർ സ്പെഷ്യൽ ഭക്ഷണങ്ങൾ എന്നിങ്ങനെയുള്ള രുചിവൈവിധ്യങ്ങളുടെ ലോകമാണ് ഉപഭോക്കൾക്കായി തുറന്നിരിക്കുന്നത്.
1965ൽ കേരളത്തിൽ ആരംഭിച്ച എം.ആർ.എ ബേക്കറി ആൻഡ് റസ്‌റ്റാറന്റിന് ഇന്ന് ഒമാൻ, ഖത്തർ, ബഹ്‌റൈൻ, യു.എ.ഇ, സൗദി എന്നിവിടങ്ങളിലായി 40ൽപരം ബ്രാഞ്ചുകളാണ് ഉള്ളത്
