ഇന്ത്യൻ ഇ-കൊമേഴ്‌സ് കയറ്റുമതി 200 ബില്യൺ ഡോളറിലെത്തുമെന്ന് ഡിജിഎഫ്ടി

ഡൽഹി : അടുത്ത 6-7 വർഷത്തിനുള്ളിൽ ഇന്ത്യൻ ഇ-കൊമേഴ്‌സ് കയറ്റുമതി 200 ബില്യൺ യുഎസ് ഡോളറിലെത്താൻ സാധ്യതയുണ്ടെന്ന് ഡിജി , ഡിജിഎഫ്ടി ശ്രദ്ധയിൽപ്പെടുത്തി. ഉൽ‌പ്പന്ന വൈവിധ്യം, ഉൽ‌പ്പന്ന നവീകരണം, നിർദ്ദിഷ്ട വിപണികളുടെ ആവശ്യകതകൾ മനസിലാക്കാനും ഇഷ്ടാനുസൃത ഉൽപ്പന്നങ്ങൾ വാഗ്ദാനം ചെയ്യാനും ഇന്ത്യൻ സംരംഭകരുടെ കഴിവ് എന്നിവ വളർച്ചയെ പിന്തുണയ്ക്കുമെന്ന് ഡിറക്ടറേറ്റ് ജനറൽ ഓഫ് ഫോറിൻ ട്രേഡ് , ഡിജി സന്തോഷ് കുമാർ സാരംഗി സൂചിപ്പിച്ചു.

“. ഇന്ത്യയിൽ ലോജിസ്റ്റിക്‌സ് കൈകാര്യം ചെയ്യുന്ന രീതിയിലും നയരൂപീകരണം നടക്കുന്ന രീതിയിലും ഇ-കൊമേഴ്‌സ് കയറ്റുമതിയെ ആർബിഐ നോക്കുന്ന രീതിയിലും ഒരുപാട് മാറ്റങ്ങൾ കൊണ്ടുവരേണ്ടതുണ്ട്; ഇവയിലെല്ലാം നമ്മൾ ഒരുപാട് മാറ്റങ്ങൾ വരുത്തേണ്ടതുണ്ട്.എഫ്ഐസിസി ഐ ഇ-കൊമേഴ്‌സ് എക്‌സ്‌പോർട്ട് കോൺഫറൻസിൽ സംസാരിച്ച സന്തോഷ് കുമാർ സാരംഗി പറഞ്ഞു.

മേഖലയിൽ വളർച്ച കൈവരിക്കുന്നതിന് സ്ഥിരതയും സുതാര്യതയും നിർണായകമാണെന്ന് ഡിജി, ഡിജിഎഫ്ടി ഊന്നിപ്പറഞ്ഞു. നൂതനവും അതിലും പ്രധാനമായി ചെലവ് കുറഞ്ഞതുമായ പേയ്‌മെന്റ് പരിഹാരങ്ങൾ നൽകുന്നതിൽ ഇന്ത്യയുടെ ഫിൻടെക് മേഖല ഒരു പ്രധാന പങ്ക് വഹിക്കുമെന്ന് അദ്ദേഹം പ്രതീക്ഷിക്കുന്നു.

കയറ്റുമതിക്കാർക്കിടയിൽ വൻതോതിലുള്ള അവബോധം സൃഷ്ടിക്കുന്നതിന്, ഇന്ത്യയിലെ സാധ്യതയുള്ള കയറ്റുമതിക്കാരെ കൈപിടിച്ചുയർത്തുന്നതിലും വഴികാട്ടുന്നതിലും സഹായിയായി പ്രവർത്തിക്കുന്ന ഉപദേഷ്ടാക്കളുടെ സംഘം സ്ഥാപിക്കേണ്ടതിന്റെ ആവശ്യകതയുണ്ടെന്നും സന്തോഷ് കുമാർ സാരംഗി പറഞ്ഞു.

ഇന്ത്യൻ ഇ-കൊമേഴ്‌സ് കയറ്റുമതി ഇക്കോസിസ്റ്റം കൂടുതൽ വേഗത്തിൽ വികസിക്കുമെന്നും, വരും ദിവസങ്ങളിൽ ചരക്കുകളുടെയും സേവനങ്ങളുടെയും കയറ്റുമതി 2 ട്രില്യൺ ഡോളർ എന്ന ലക്ഷ്യം സാക്ഷാത്കരിക്കുന്നതിൽ പ്രധാന പങ്ക് വഹിക്കുമെന്നും അദ്ദേഹം ഉറപ്പിച്ചു.