ന്യൂഡല്ഹി: ജൂണില് അഞ്ച് മാസത്തെ ഏറ്റവും ഉയര്ന്ന നിരക്കായ 8.3 ശതമാനത്തിലെത്തിയ ഇന്ത്യയുടെ എട്ട് പ്രധാന മേഖലകളുടെ (ഐസിഐ) ഉല്പാദനം ജൂലൈയില് വാര്ഷിക അടിസ്ഥാനത്തില് എട്ട് ശതമാനം വളര്ച്ച കൈവരിച്ചു. വ്യാഴാഴ്ച സര്ക്കാര് പുറത്തുവിട്ട കണക്കുകളാണ് ഇക്കാര്യം വ്യക്തമാക്കുന്നത്. കഴിഞ്ഞ വര് ഷം ഇതേ കാലയളവില് ഈ മേഖലകള് 4.8 ശതമാനം വളര് ച്ചയാണ് നേടിയിരുന്നത്.
മൊത്തത്തില്, 2024 ഏപ്രില് മുതല് ജൂലൈ വരെ ഐസിഐ വാര്ഷിക അടിസ്ഥാനത്തില് 6.4 ശതമാനം വളര്ച്ച കൈവരിച്ചു. കല്ക്കരി, ക്രൂഡ് ഓയില്, പ്രകൃതിവാതകം, റിഫൈനറി ഉല്പ്പന്നങ്ങള്, രാസവളങ്ങള്, ഉരുക്ക്, സിമന്റ്, വൈദ്യുതി എന്നീ എട്ട് പ്രധാന വ്യവസായങ്ങളുടെ ഉല്പാദനത്തിന്റെ സംയോജിതവും വ്യക്തിഗതവുമായ പ്രകടനം എട്ട് കോര് ഇന്ഡസ്ട്രീസ് സൂചിക (ഐസിഐ) അളക്കുന്നു. വ്യാവസായിക ഉല്പാദന സൂചികയുടെ 40.27 ശതമാനവും സംഭാവന ചെയ്യുന്നത് ഈ എട്ട് വ്യവസായങ്ങളാണ്.
കല്ക്കരി, ഉരുക്ക്, പ്രകൃതിവാതകം, സിമന്റ്, വൈദ്യുതി, റിഫൈനറി ഉല്പ്പന്നങ്ങള്, രാസവളങ്ങള്, ക്രൂഡ് ഓയില് എന്നിവയുടെ ഉല്പാദനം 2023 ജൂലൈയില് കഴിഞ്ഞ വര്ഷത്തെ അപേക്ഷിച്ച് വര്ദ്ധിച്ചതായി വാണിജ്യ മന്ത്രാലയം പ്രസ്താവനയില് പറയുന്നു.