ന്യൂഡല്ഹി: നാലാംപാദത്തില് ഇരട്ടഅക്ക വളര്ച്ച കൈവരിച്ചിരിക്കയാണ് പൊതുമേഖല ബാങ്കായ യൂണിയന് ബാങ്ക് ഓഫ് ഇന്ത്യ. 2782 കോടി രൂപയാണ് ബാങ്ക് നേടിയ നികുതി കഴിച്ചുള്ള ലാഭം. തുടര്ച്ചയായി നോക്കുമ്പോള് 23.95 ശതമാനവും മുന്വര്ഷത്തെ സമാന പാദത്തെ അപേക്ഷിച്ച് 61.18 ശതമാനവും അധികം.
വായ്പകളിലും നിക്ഷേപങ്ങളിലും ഉയര്ച്ച നേടിയപ്പോള് തന്നെ നിഷ്ക്രിയ ആസ്തി താഴ്ത്താനുമായി. പലിശ മാര്ജിന് വിപുലീകരിച്ചിട്ടുണ്ട്. മൊത്തം ബിസിനസ് വാര്ഷികാടിസ്ഥാനത്തില് 10.23 ശതമാനമുയര്ന്നു. അതില് മൊത്തം വായ്പാ വര്ദ്ധന 13.05 ശതമാനവും നിക്ഷേപ വര്ദ്ധന 8.26 ശതമാനവുമാണ്. 1927621 കോടി രൂപയുടെ മൊത്തം ബിസിനസാണ് ബാങ്ക് നടത്തിയത്.