ലോകത്തെ ഞെട്ടിച്ച ബിനാന്‍സ് സൈബര്‍ ആക്രമണത്തില്‍ വന്‍ ട്വിസ്റ്റ്. ചരിത്രത്തിലെ ഏറ്റവും വലിയ ക്രിപ്‌റ്റോ കവര്‍ച്ചയില്‍ 6.3 ബില്യണ്‍ ഡോളര്‍ നഷ്ടമായെന്ന വാര്‍ത്തയ്ക്ക് പിന്നാലെ, 90% ആസ്തികളും തിരികെ നല്‍കിയെന്ന് ബിനാന്‍സ് ഔദ്യോഗികമായി പ്രഖ്യാപിച്ചു.
കമ്പനിയുടെ സ്വന്തം ഫണ്ടില്‍ നിന്ന് 6.34 ബില്യണ്‍ ഡോളര്‍ മാറ്റിവച്ചാണ് പുതിയ ടോക്കണുകള്‍ വാങ്ങി ഉപഭോക്താക്കള്‍ക്ക് നല്‍കിയത്. ഇന്ന് മുതല്‍ പിന്‍വലിക്കല്‍ പൂര്‍ണ്ണമായി തുറക്കും.
എഫ്ബിഐയുടെ സ്ഥിരീകരണമാണ് ഏറ്റവും വലിയ അപ്ഡേറ്റ്.
ആക്രമണത്തിന് പിന്നില്‍ ഉത്തരകൊറിയന്‍ സര്‍ക്കാര്‍ പിന്തുണയുള്ള ‘TraderTraitor’ ഗ്രൂപ്പാണെന്ന് എഫ്ബിഐ ശനിയാഴ്ച രാത്രി സ്ഥിരീകരിച്ചിരുന്നു. മോഷ്ടിച്ച മുഴുവന്‍ ആസ്തികളും എതീറിയമാക്കി മാറ്റാന്‍ ശ്രമിച്ചതായും എഫ്ബിഐ കണ്ടെത്തി. ഇത്തരത്തില്‍ മോഷ്ടിക്കുന്ന പണം ആണവ പദ്ധതിക്ക് ഉപയോഗിക്കുന്നുവെന്നാണ് അമേരിക്കയുടെ ആരോപണം.
കമ്പനിയുടെ സുരക്ഷാ ഫണ്ടായ 1 ബില്യണ്‍ ഡോളറിന്റെ SAFU ഫണ്ടില്‍ നിന്ന് 50%, ഫ്യൂച്ചേഴ്‌സ് ഇന്‍ഷുറന്‍സ് ഫണ്ട്, കോര്‍പ്പറേറ്റ് ട്രഷറി എന്നിവ ചേര്‍ത്താണ് 6.34 ബില്യണ്‍ ഡോളര്‍ ഉണ്ടാക്കിയത്. ഉപഭോക്താക്കള്‍ക്ക് ഒരു രൂപ പോലും നഷ്ടമാകില്ലെന്ന് സിഇഒ തന്നെ ഉറപ്പ് നല്‍കി.
അതേസമയം 3 ബില്യണ്‍ ഡോളറിന്റെ മോഷ്ടിച്ച ആസ്തികള്‍ ബ്ലോക്ക്‌ചെയിന്‍ പങ്കാളികളുടെ സഹായത്തോടെ മരവിപ്പിക്കാന്‍ കഴിഞ്ഞു എന്നത് നിര്‍ണായക നേട്ടമായി. ബാക്കി 10% കുറഞ്ഞ ദ്രവ്യതയുള്ള ടോക്കണുകളാണ്, അവയ്ക്കായി കൂടുതല്‍ സമയം വേണമെന്ന് ബിനാന്‍സ് പറയുന്നു.
ഹാക്കിന് ശേഷം നിര്‍ത്തിയ പിന്‍വലിക്കല്‍ സേവനം സുരക്ഷാ ഓഡിറ്റ് കഴിഞ്ഞ് ഞായറാഴ്ച രാത്രിയോടെ പൂര്‍ണ്ണമായി പുനഃസ്ഥാപിക്കും.