പുതിയ ഇരുപത് രൂപ നോട്ടുകള് പുറത്തിറക്കാനൊരുങ്ങി ആര്ബിഐ. ‘ഗ്രീനിഷ് യെല്ലോ’ ആണ് നോട്ടിന്റെ നിറം. ആര്ബിഐ ഗവര്ണര് ശക്തികാന്ത ദാസിന്റെ കയ്യൊപ്പ് പതിഞ്ഞതാകും പുതിയ കറന്സി.
‘ഗ്രീനിഷ് യെല്ലോ ആണ് പുതിയ നോട്ടിന്റെ നിറം. നോട്ടിന്റെ ഇരുവശവും മറ്റ് ഡിസൈനുകളും, ജിയോമെട്രിക് പാറ്റേണുകളും ഉണ്ടാകും. നോട്ടിന്റെ പിന്ഭാഗത്ത് എല്ലോറ ഗുഹയുടെ ചിത്രമാണുള്ളത്. ‘- ആര്ബിഐ പറയുന്നു.വാട്ടര്മാര്ക്കിന് സമീപം വെര്ട്ടിക്കല് ബാന്ഡിന് നടുക്കായി ഒരു പൂവിന്റേതിന് സമാനമായ ഡിസൈനും പ്രിന്റ് ചെയ്തിട്ടുണ്ട്. വെളിച്ചതിന് നേരെ പിടിച്ചാല് മാത്രമേ ഇത് കാണാന് സാധിക്കുകയുള്ളു. 63mm*129mm എന്നിങ്ങനെയാണ് പുതിയ നോട്ടിന്റെ അളവ്.