അൽ ഇർഷാദ് കമ്പ്യൂട്ടർ ഗ്രൂപ് ഒമാൻ ശാഖ ആരംഭിച്ചു
May 25, 2024
മസ്കത്ത്: അൽ ഇർഷാദ് കമ്പ്യൂട്ടർ ഗ്രൂപ്പിന്‍റെ ഏറ്റവും പുതിയ ശാഖ ഒമാനിലെ റൂവിയിൽ പാണക്കാട് മുനവ്വർ അലി ശിഹാബ് തങ്ങളും അൽ ഇർഷാദ് ഗ്രൂപ് ചെയർമാൻ യൂനുസ് ഹസ്സനും ചേർന്ന് ഉദ്ഘാടനം ചെയ്തു.
ആദ്യ വിൽപന കടോളി അബൂബക്കറും ഇക്ബാൽ കളരിക്കണ്ടിയും ഏറ്റുവാങ്ങി. ചടങ്ങിൽ ജനറൽ മാനേജർ രാജഗോപാലൻ, സി.ഇ.ഒ എം.വി.മുസ്തഫ, സെയിൽസ് ഡയറക്ടർ പി.കെ.പി. മുഹമ്മദ് അശ്റഫ്, അബ്ദുൽ ജലീൽ പ്രാചേരി, അലി കരയത്ത്, നാസർ നടുക്കണ്ടി, നരിക്കോൾ നാസർ, നജീബ് മലബാർ ഗോൾഡ്, കെ.എം.സി.സി നേതാക്കളായ റഹീം, മുഹമ്മദ് വാണിമേൽ, അഷ്റഫ്‌ നാദാപുരം, അഷ്ഹഫ്‌ പൊയ്ക്കര, ടി.പി മജീദ്‌ തുടങ്ങി ഒമാനിലെ വിവിധ സാമൂഹിക സാംസ്കാരിക സംഘടനാ രംഗത്തെ വ്യക്തിത്വങ്ങൾ സംബന്ധിച്ചു.
അതിനൂതനവും ആധുനിക സാങ്കേതിക വിദ്യക്കനുസരിച്ചുമുള്ള എല്ലാവിധ കമ്പ്യൂട്ടർ ഉൽപന്നങ്ങളുടെയും വിശാലമായ ഷോറൂമിൽ എച്ച്.പി, ഡെൽ, ലിനോവോ, ഏസർ, അസൂസ്, എന്നീ ബ്രാൻഡുകളുടെതുൾപ്പെടെ ലോകത്തിലെ എല്ലാ മുൻനിര നിർമാതാക്കളുടെയും ലാപ്ടോപ്പുകളും ഓൾ ഇൻ വൻ കമ്പ്യൂട്ടറുകളും സജ്ജീകരിച്ചിട്ടുണ്ട്.
കൂടാതെ ഡീലിങ്ക്, ടി.പി ലിങ്ക്, സിസ്കോ, വാവേയ് തുടങ്ങിയ വിവിധങ്ങളായ നെറ്റ്വർക്ക് സംബന്ധമായ ഉൽപന്നങ്ങളും ഗെയിമിങ് സെക്ടറുകൾക്ക് ആവശ്യമായ നൂതനമായ ഗ്രാഫിക്ക്കാർഡുകളും മെമ്മറി മൊഡ്യൂളുകളും ഹാർഡ് ഡിസ്ക് മുതൽ ഡാറ്റാ ബാക്കപ്പ് ആവശ്യങ്ങൾക്കുതകുന്ന ടേപ്പ് ഡ്രൈവറുകളും നാസ് ഡ്രൈവുകളും വരെ വിവിധങ്ങളായ ഐ.ടി ഉൽപന്നങ്ങളുടെ വൻ ശേഖരം തന്നെ പുതിയ ഷോറൂമിൽ ലഭ്യമാണ്.
