ശ്രീ ശാരദ ഇന്സ്റ്റിറ്റ്യൂട്ട് ഓഫ് ഇന്ത്യന് മാനേജ്മെന്റ് റിസര്ച്ചിന്റെ മുന് ചെയര്മാന് സ്വാമി ചൈതന്യാനന്ദ സരസ്വതിയെ ചുറ്റിപ്പറ്റിയുള്ള വലിയ അഴിമതികള് വീണ്ടും കത്തിപ്പടരുകയാണ്. സ്വയം പ്രഖ്യാപിത ആള്ദൈവത്തിനെതിരെ പീഡന ആരോപണങ്ങള് ഉയര്ന്നുവന്നതിനു പിന്നാലെ കേസെടുത്തതോടെയാണ് കൂടുതല് വിദ്യാര്ത്ഥിനികള് ഇയാള്ക്കെതിരേയുള്ള ലൈംഗീക പീഡനങ്ങള് വെളിപ്പെടുത്തി തുടങ്ങിയത്. വിദ്യാര്ത്ഥികളില് ഭയം ജനിപ്പിക്കാന് ഫോണുകളും സര്ട്ടിഫിക്കറ്റുകളും കൈക്കലാക്കി. പരാതിപ്പെട്ടാല് മാര്ക്ക് കുറയ്ക്കുമെന്ന് ഭീഷണിപ്പെടുത്തി. ‘ബേബി, ഐ ലവ് യു’ പോലുള്ള, ഒരു സ്വാമിയില് നിന്നും വരാന് പാടില്ലാത്ത അശ്ലീലമായ സന്ദേശങ്ങള് വിദ്യാര്ത്ഥികള്ക്ക് അയച്ചു.
ഇതെല്ലാം എഫ്.ഐആറില് ഉള്ളതാണ്. ഇതിനു പുറമേ ചൈതന്യാനന്ദ സരസ്വതിക്കെതിരെ 122 കോടി രൂപയുടെ സാമ്പത്തിക ക്രമക്കേടുകള് നടത്തിയതിനും ആരോപണങ്ങള് ഉയര്ന്നു വന്നിട്ടുണ്ട്. ഓഗസ്റ്റ് 5 ന് സമര്പ്പിച്ച പരാതിയില് നിന്നാണ് അദ്ദേഹത്തിനെതിരായ കൂട്ട പീഡന കേസ് ഉണ്ടായത്. ‘ആള്ദൈവ’ത്തിനെതിരെ ആറ് പേജുള്ള എഫ്ഐആറില് ചില ഞെട്ടിപ്പിക്കുന്ന വിശദാംശങ്ങള് കൂടി പുറത്തു വന്നിരിക്കുകയാണ്. ആവര്ത്തിച്ചുള്ള പീഡനം റിപ്പോര്ട്ട് ചെയ്ത 32 സ്ത്രീകളുടെ വിവരങ്ങളും വന്നിട്ടുണ്ട്.
- ഹോളിക്ക് ആദ്യം നിറം പുരട്ടേണ്ടത് സ്വാമിജി ?
വിചിത്രമായ ഒരു നിര്ദ്ദേശത്തില്, ഹോളി ആഘോഷത്തിനിടെ വിദ്യാര്ത്ഥിനികളെ വരിവരിയായി നിര്ത്തി സ്വാമി ചൈതന്യാനന്ദ സരസ്വതിയാണ് ആദ്യം കവിളില് നിറം പുരട്ടേണ്ടതെന്ന് തിട്ടൂരമിട്ടു. ‘ഓരോ വിദ്യാര്ത്ഥിയും ‘ഹരിയോം’ പറയുകയും അദ്ദേഹത്തിന്റെ മുന്നില് കുമ്പിടുകയും വേണം. അതിനുശേഷം അദ്ദേഹം അവരുടെ കവിളില് നിറം പുരട്ടുകയും മുടി പിളര്ത്തുകയും ചെയ്യും. സ്വയം പ്രഖ്യാപിത ആള്ദൈവം ഒരു വനിതാ അധ്യാപിക വഴി വിദ്യാര്ത്ഥികള്ക്ക് ഈ ഉത്തരവ് എത്തിച്ചുകൊടുത്തു. സ്വയം പ്രഖ്യാപിത ആള്ദൈവത്തിനെതിരെയുള്ള എഫ്.ഐ.ആറില് 21 വയസ്സുള്ള ഒരു പെണ്കുട്ടിയുടെ മൊഴിയുണ്ട്.
‘കുഞ്ഞേ, ഞാന് നിന്നെ സ്നേഹിക്കുന്നു, ഞാന് നിന്നെ ആരാധിക്കുന്നു, നീ ഇന്ന് സുന്ദരിയായി കാണപ്പെടുന്നു’ തുടങ്ങിയ വ്യക്തിപരമായ സന്ദേശങ്ങള് ലഭിച്ചതായി ആരോപിക്കപ്പെടുന്നു. വിദ്യാര്ത്ഥിനികളുടെ ‘ചുരുണ്ട മുടി’യെ സന്യാസി അഭിനന്ദിക്കുകയും ചെയ്തു. സന്യാസി വിദ്യാര്ത്ഥികളെ ഉപദ്രവിക്കുക മാത്രമല്ല, എതിര്പ്പുകള് ഉയര്ന്നപ്പോള് അവരുടെ മാര്ക്ക് വെട്ടിക്കുറയ്ക്കുമെന്ന് ഭീഷണിപ്പെടുത്തുകയും ചെയ്തു. 2025 ജൂണില് ഋഷികേശിലേക്കുള്ള ഒരു വ്യാവസായിക സന്ദര്ശനത്തിലെ സംഭവങ്ങള് എഫ്ഐആറില് പറയുന്നുണ്ട്. അവിടെ പ്രതികള് ഒറ്റയടിക്ക് വിദ്യാര്ത്ഥിനികളെ വിളിച്ച് മാര്ക്ക് വെട്ടിക്കുറയ്ക്കുമെന്ന് ഭീഷണിപ്പെടുത്തി. സ്വാമിയുടെ ഭീഷണി ഒരു സ്റ്റാഫ് അംഗം വഴിയാണ് അറിയിച്ചതെന്നും, തന്റെ സഹോദരനെ പോലീസ് ലക്ഷ്യം വയ്ക്കുമെന്ന് മുന്നറിയിപ്പ് നല്കി. പിന്നെ എന്റെ മുഖത്തും കൈയിലും തൊടും. ഒരു വിദ്യാര്ത്ഥിനി നല്കിയ മൊഴിയണിത്.
‘വിദ്യാര്ത്ഥിനികളുടെ പഠനത്തില് ശ്രദ്ധ കേന്ദ്രീകരിക്കുന്നു എന്ന വ്യാജേന ഫോണുകള് പിടിച്ചുവെന്നും, അവരുടെ ഒറിജിനല് സര്ട്ടിഫിക്കറ്റുകള് കൈമാറാന് ആവശ്യപ്പെട്ടുവെന്നും, കരിയര് അവസാനിപ്പിക്കുമെന്ന് പോലും ഭീഷണിപ്പെടുത്തിയെന്നും അതിജീവിതകളുടെ കൂടെയുള്ളവര് പോലീസിനോട് പറഞ്ഞു. ഇങ്ങനെയൊക്കെയാണ് പീഡനത്തിന് ഇരയാക്കിയത്. ആദ്യം വിദ്യാര്ത്ഥികളെ സ്വാ കണ്ടെത്തും. എന്നിട്ട് അവരോട് പഠനത്തില് ശ്രദ്ധ കേന്ദ്രീകരിക്കാന് ആവശ്യപ്പെടും. അതിനായി അവരുടെ ഫോണുകള് വാങ്ങിവെയ്ക്കും. ഫോണുകള് കുറച്ചുകാലം അദ്ദേഹത്തിന്റെ കസ്റ്റഡിയിലായിരിക്കും. പകരം, അദ്ദേഹം ഇഷ്ടമുള്ള പുതിയത് കൈമാറും. ആശയവിനിമയം അദ്ദേഹത്തിന്റെ നിയന്ത്രണത്തിലാണെന്നും മറ്റാരിലേക്കും എത്തുന്നില്ലെന്നും ഇങ്ങനെ ഉറപ്പാക്കും.
‘ഭയബോധം’ സൃഷ്ടിച്ചെടുക്കാനായി, വിദ്യാര്ത്ഥികളുടെ ഒറിജിനല് സര്ട്ടിഫിക്കറ്റുകള് സമര്പ്പിക്കേണ്ടത് നിര്ബന്ധമാണെന്നും അദ്ദേഹം പറഞ്ഞിരുന്നു. കോഴ്സ് പൂര്ത്തിയാക്കിയതിനു ശേഷം മാത്രമേ അവ തിരികെ നല്കിയിരുന്നുള്ളൂ. ‘ഇത് ഒരു ഭയബോധം വിദ്യാര്ത്ഥിനികളില് സൃഷ്ടിച്ചു. കാരണം ഓരോ വിദ്യാര്ത്ഥിയുടെയും കരിയര് അവിടെ പൂട്ടിയിരിക്കുകയാണ്. ആരെങ്കിലും എതിര്ക്കാനോ പരാതിപ്പെടാനോ തുനിഞ്ഞാല്, അവരുടെ സര്ട്ടിഫിക്കറ്റുകള് ഒരിക്കലും തിരികെ ലഭിക്കില്ലെന്നും, അത് അവരുടെ കരിയര് നശിപ്പിക്കുമെന്നും അവര് ഭയപ്പെട്ടിരുന്നു.
ഇന്സ്റ്റിറ്റ്യൂട്ടില് സാമ്പത്തികമായി പിന്നോക്കം നില്ക്കുന്ന വിഭാഗം (ഇ.ഡബ്ല്യു.എസ്) സ്കോളര്ഷിപ്പിന് കീഴിലുള്ള പി.ജി.ഡി.എം കോഴ്സുകള് പഠിക്കുന്ന വിദ്യാര്ത്ഥിനികളാണ് കൂടുതലും പീഡനത്തിന് ഇരയായിരിക്കുന്നത്. ‘അദ്ദേഹത്തെ എതിര്ത്താല് അവരുടെ കരിയര് നശിപ്പിക്കപ്പെടുമെന്ന് പെണ്കുട്ടികള്ക്ക് പറയുമായിരുന്നുവെന്ന് സഹപാഠികള് പറയുന്നു. ചിലരെ ഇന്സ്റ്റിറ്റ്യൂട്ടില് നിന്ന് പുറത്താക്കുകയും ചെയ്തിട്ടുണ്ട്. ഇതിനെതിരേ ഒരാള് മാത്രം ശബ്ദമുയര്ത്തിയിട്ടുണ്ടെന്നും ഇന്സ്റ്റിറ്റ്യൂട്ടില് പഠിക്കുന്ന കുട്ടികള് പറയുന്നു.